ପୂଜାରେ ‘ମହିଷାସୁର’

ଏଥର ଦଶହରାରେ ଦର୍ଶକଙ୍କୁ ମନୋରଞ୍ଜନର ଖୋରାକ୍ ଯୋଗାଇବ ନୂଆ ଓଡ଼ିଆ ସିନେମା ‘ମହିଷାସୁର’ । ପୂଜା ଅବସରରେ ତରଙ୍ଗର ଏହି ନୂଆ ସିନେମା ମୁକ୍ତିଲାଭ କରିବ । ସିନେମାର ମୁଖ୍ୟ ଚରିତ୍ରରେ ନଜର ଆସିବେ ଓଲିଉଡର ଲୋକପ୍ରିୟ ଅଭିନେତ୍ରୀ ଅର୍ଚ୍ଚିତା । ଏଥିରେ ତାଙ୍କୁ ଏକ ଭିନ୍ନ ଚରିତ୍ରରେ ଦେଖିବାକୁ ମିଳିବ । ତେବେ ଏହାର କାହାଣୀ ମୁଖ୍ୟତଃ କଟକର ଭାଇଚାରା ଉପରେ ଆଧାରିତ । ମୃତ୍ୟୁଞ୍ଜୟ ସାହୁ ଏହାର ନିର୍ଦ୍ଦେଶନା ଦାୟିତ୍ୱରେ ଥିବା ବେଳେ କାହାଣୀ ଓ ପରିକଳ୍ପନା କରିଛନ୍ତି ଦେବୀଦତ୍ତ ମହାନ୍ତି । ସେହିପରି ଏଥିରେ ସ୍ୱର ସଂଯୋଜନା କରିଛନ୍ତି ଅଭିଜିତ୍ ମଜୁମଦାର । ଅର୍ଚ୍ଚିତାଙ୍କ ବ୍ୟତୀତ ବବି ମିଶ୍ର,ବିରଞ୍ଚି, ଅଞ୍ଜନା ଦାସ, ରାଜା ଡି ପ୍ରମୁଖ ବିଭିନ୍ନ ଚରିତ୍ରରେ ନଜର ଆସିବେ ।