କୁଚିଣ୍ଡା ତହସିଲଦାର ନିଲମ୍ବିତ

ଭୁବନେଶ୍ୱର: ସମ୍ବଲପୁର କୁଚିଣ୍ଡାର ତହସିଲଦାର ମିତାଲି ମଧୁସ୍ମିତା ଦଳେଇଙ୍କୁ ଜମି ବିବାଦ ମାମଲା ହେରଫେର ଅଭିଯୋଗରେ ନିଲମ୍ବିତ କରାଯାଇଛି । ରାଜେଶ ଅଗ୍ରୱାଲ ନାମକ ଜଣେ ବ୍ୟକ୍ତି ଅଭିଯୋଗ କରିଥିଲେ ଯେ ମିତାଲି ତାଙ୍କ ସମ୍ପର୍କୀୟ ଭାଇମାନଙ୍କୁ ପୈତୃକ ସମ୍ପତ୍ତି ବାଣ୍ଟିବାରେ ସମର୍ଥନ କରିଥିଲେ। ତାଙ୍କ ସମ୍ପର୍କୀୟ ଭାଇମାନେ ସ୍ୱର୍ଗତ ଜଗଦୀଶ ଲାଲ ସେଠଙ୍କ ସମ୍ପତ୍ତି ଜବତ କରିବା ପାଇଁ ତାଙ୍କୁ ଏବଂ ତାଙ୍କ ପରିବାରକୁ ମୃତ ଘୋଷଣା କରି ମ୍ୟୁଟେସନ୍ ମାମଲା ପଞ୍ଜିକୃତ କରିଥିଲେ। ସେ ଆହୁରି ମଧ୍ୟ କହିଛନ୍ତି ଯେ ତାଙ୍କୁ ସଠିକ୍ ଭାବରେ ସୂଚିତ ନକରି ଡକ୍ୟୁମେଣ୍ଟଗୁଡ଼ିକୁ ଅନୁମୋଦନ କରି ନେଇଯାଇଥିଲେ। ଯାହା ଫଳରେ ତାଙ୍କ ଅଜାଣତରେ ସମ୍ପତ୍ତି ହସ୍ତାନ୍ତର ସହଜ ହୋଇଥିଲା। ଏପରିକି ଆମେ କୌଣସି ନୋଟିସ୍ ପାଇନଥିଲୁ। ଏଭଳୀ ଅଭିଯୋଗ ପରେ ବିଭାଗ ପକ୍ଷରୁ ତାଙ୍କୁ ନିଲମ୍ବନ କରାଯାଇଛି। ଏପରିକି ତାଙ୍କୁ ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟରେ ରିପୋର୍ଟ କରିବାକୁ କୁହାଯାଇଛି।