ଘରୁ ନକାରାତ୍ମକ ଶକ୍ତି ଦୂର କରିବା ପାଇଁ ଏହି ଜିନିଷ ଘରେ ରଖନ୍ତୁ ଆର୍ଥିକ ପରିସ୍ଥିତିରେ ହେବ ଉନ୍ନତି
ବାସ୍ତୁ ଶାସ୍ତ୍ର ଭଳି ଚାଇନା ମାନଙ୍କର ଫେଙ୍ଗ ଶୁଇ ଟିପ୍ସ ମଧ୍ୟ ଘରର ନକାରାତ୍ମକ ଶକ୍ତିକୁ ଦୂର କରି ଘରେ ଏକ ସକାରାତ୍ମକ ପରିବେଶସୃଷ୍ଟି କରିଥାଏ I ଏପରିକି ଚାଇନିଜ୍ ବାସ୍ତୁ ଶାସ୍ତ୍ରରେ ପଶୁ ଓ ପକ୍ଷୀମାନଙ୍କୁ ଦେବତାମାନଙ୍କର ବାହନ ବୋଲି ବର୍ଣ୍ଣନା କରାଯାଇଛି I ଏଭଳି ପରିସ୍ଥିତିରେ, ଘର କିମ୍ବା ଅଫିସରେ ସେମାନଙ୍କ ସହ ଜଡିତ ଜିନିଷ ରଖିବା ଶୁଭ ବୋଲି ବିବେଚନା କରାଯାଏ | ଫେଙ୍ଗ୍ ଶୁଇଙ୍କ ଅନୁଯାୟୀ, କଇଁଛହେଉଛି ଧନର ପ୍ରତୀକ I ଏହାକୁ ରଖିବା ଦ୍ୱାରା ଭାଗ୍ୟ ଉଜ୍ଜ୍ୱଳ ହୋଇଥାଏ ବୋଲି ଚାଇନା ମାନେ ବିଶ୍ୱାସକରିଥାନ୍ତି I ଆମେ ମଧ୍ୟ କଇଁଛକୁ ଭଗବାନ ବିଷ୍ଣୁ ଙ୍କ ର କୂର୍ମ ଅବତାର ବୋଲି ପୂଜା କରିଥାଉ I ତେଣୁ, କଇଁଛକୁ ଘରେ ରଖିବା ଦ୍ୱାରା ସ୍ଥଗିତ କାର୍ଯ୍ୟରେ ସଫଳତା ଦେଇଥାଏ I ଆସନ୍ତୁ ଜାଣିବା କଇଁଛ ସହିତ ଜଡିତ ଫେଙ୍ଗ୍ ଶୁଇ ଟିପ୍ସ :
କଇଁଛ ହେଉଛି ଏକମାତ୍ର ଜୀବ ଯାହାକି ଦୀର୍ଘ ସମୟ ବଞ୍ଚିପାରେ I ଘରର ପୂଜା ସ୍ଥାନ ରେ ଧାତୁରେ ନିର୍ମିତ କଇଁଛକୁ ରଖିପାରିବେ | ଘରେ କଇଁଛ ରଖିବାବେଳେ, ମନେରଖନ୍ତୁ ଯେ କଇଁଛକୁ ଖୋଲା ସ୍ଥାନରେ ରଖନ୍ତୁ ନାହିଁ ଏବଂ ଏହାକୁ ସର୍ବଦା ଏକ ପାତ୍ରରେ ପାଣି ନେଇ ରଖନ୍ତୁ | ଏହା ଘର ଭିତରେ ସମୃଦ୍ଧତା କୁ ବଜାୟ ରଖେ I
କଇଁଛକୁ ଉତ୍ତର ଦିଗରେ ରଖିବା ଶୁଭ ବୋଲି ଧରା ଯାଏ I କାରଣ ଉତ୍ତର ଦିଗକୁ ମା’ ଲକ୍ଷ୍ମୀ ଙ୍କର ଦିଗ ବୋଲି କୁହI ଯାଏ | ତେଣୁ ସେହି ସ୍ଥାନରେ କଇଁଛ ରଖିଲେ ଶତ୍ରୁମାନେ ନଷ୍ଟ ହେବା ସହିତ ବ୍ୟବସାୟରେ ସଫଳତା ଏବଂ ଆର୍ଥିକ ଲାଭ ହୋଇଥାଏ I ଯଦି ଘରେ ଆର୍ଥିକ ସମସ୍ୟା ରହୁଥାଏ , ତେବେ ଘରେ କ୍ରିଷ୍ଟାଲ ର ଏକ କଇଁଛ ଆଣି ରଖନ୍ତୁ I ଏହା ମଧ୍ୟ ମନେ ରଖିବାକୁ ହେବ ଯେ କଇଁଛର ପାଟି ସବୁବେଳେ ଘର ଭିତ ର ପଟକୁ ରହିବା ଉଚିତ୍ I
ଫେଙ୍ଗ୍ ଶୁଇ ଅନୁଯାୟୀ, ଘର କିମ୍ବା ଅଫିସରେ ଏକ ଧାତୁ ନିର୍ମିତ କଇଁଛ ରଖିବା ଶୁଭ ହୋଇଥାଏ I ଏହାକୁ ଘରେ ରଖିଲେ ସକରାତ୍ମକ ଶକ୍ତି ମିଳିଥାଏ I ଏହା ସହିତ, ପରିବାର ସଦସ୍ୟମାନେ ପ୍ରଗତିର ପଥରେ ଆଗକୁ ବଢି ଥାନ୍ତି I ଘରେ ଆପଣ ଏକ ରୂପା, ପିତ୍ତଳ କିମ୍ବା ତମ୍ବା କଇଁଛକୁ ଘର ଭିତରେ ରଖିପାରିବେ I
କ୍ୟାରିୟରର ଅଗ୍ରଗତି ପାଇଁ ଘରର ଉତ୍ତର ଦିଗରେ ଏକ ଧାତୁ କଇଁଛ ରଖିବା ଶୁଭ ଅଟେ I ଏହା ବ୍ୟତୀତ ଘରେ କଳା ରଙ୍ଗର କଇଁଛର ଚିତ୍ର ମଧ୍ୟ ପ୍ରୟୋଗ କରାଯାଇପାରେ I ଅନ୍ୟ ପଟେ, ଆୟ ବୃଦ୍ଧି ପାଇଁ ଏକ ଖୋଲା ମୁହଁ ବା ପାଟି ମେଲା କରିଥିବା କଇଁଛ ରଖନ୍ତୁ I ଏହା ସହିତ କଇଁଛଙ୍କ ପାଟିରେ ଏକ ଚାଇନିଜ୍ ମୁଦ୍ରା ରହିବା ମଧ୍ୟ ଆବଶ୍ୟକ I
ଘରର ପୂର୍ବ ଦିଗ କିମ୍ବା ଦକ୍ଷିଣ-ପୂର୍ବ ଦିଗରେ ଏକ କାଠ କଇଁଛ ରଖିବା ଦ୍ୱାରା ଘରେ ସକାରତ୍ମକ ଶକ୍ତି ଏବଂ ଧନ ବୃଦ୍ଧି ପାଇଥାଏ I ଏହି ସମୟରେ, ପରିବାର ସଦସ୍ୟଙ୍କ ମଧ୍ୟରେ ସମ୍ପର୍କ ଆନ୍ତରିକ ରହିଥାଏ I ଅନ୍ୟ ପଟେ, ଘରର ପୂର୍ବ-ଉତ୍ତର କିମ୍ବା ପଶ୍ଚିମ-ଦକ୍ଷିଣ ଦିଗରେ ଏକ ମାଟି ରେ ତିଆରି କଇଁଛ ରଖିବା ପରିବାରରେ ସୁଖ ଏବଂ ଶାନ୍ତି ଆଣିଥାଏ I
ଘରେ ଏକ ସ୍ଫଟିକ କଇଁଛ ରଖିବା ଦ୍ୱାରା ଧନ ବୃଦ୍ଧି ପାଇଥାଏ I ଏହା ସହିତ,ବାସ୍ତୁ ତ୍ରୁଟି ଦୂର କରିବାରେ ମଧ୍ୟ ଏହା ବେଶ ଗୁରୁତ୍ତ୍ୱପୂର୍ଣ୍ଣ I ଅନ୍ୟ ପଟେ, ଡ୍ରାଗନ୍ କଇଁଛ ରଖିବା ଦ୍ୱାରା ଘରୁ ବା ଅଫିସ ରୁ ନକାରାତ୍ମକ ଶକ୍ତି ଦୂର ହୋଇଥାଏ |
