ଓଲିଉଡରେ ନିଶା କାରବାର ନେଇ ଥାନାରେ ଅଭିଯୋଗ କଲା କଳିଙ୍ଗ ସେନା

ଭୁବନେଶ୍ୱର:୨୮-୦୮-(ପି.ଏନ.ଏ) ବାବୁସାନ ମହାନ୍ତି ଙ୍କ ପାରିବାରିକ ବିବାଦ ମାମଲା ପରେ ଓଲିଉଡ଼ ରେ ନିଶା କାରବାର ଘଟଣା ପଦାକୁ ଆସିଛି I ବାବୁସାନଙ୍କ ପତ୍ନୀ ତୃପ୍ତି କରିଥିବା ଅଭିଯୋଗ ଆଧାରରେ ଖାରବେଳ ନଗର ଥାନାରେ ଏତଲା ଦେଇଛି କଳିଙ୍ଗ ସେନା । ଏ ପରିକି ନିଶା ଖାଇ ବାବୁସାନ ହରାଇଛନ୍ତି ମାନସିକ ସନ୍ତୁଳନ । ଏଭଳି ଅଭିଯୋଗ ଆଣିଲେ କଳିଙ୍ଗ ସେନା ମୁଖ୍ୟ ହେମନ୍ତ ରଥ । ବଲିଉଡରେ ସୁଶାନ୍ତ ସିଂହ ରାଜପୁତଙ୍କ ପରି ଦୁଃଖଦ ଘଟଣାର ଓଡ଼ିଶାରେ ଯେପରି ପୁନରାବୃତି ନହୁଏ, ସେନେଇ ଏଫଆଇଆରରେ କୁହାଯାଇଛି । ବାବୁସାନଙ୍କ ସ୍ତ୍ରୀ ତୃପ୍ତି ଖାରବେଳନଗର ଥାନାରେ ଅଭିଯୋଗ କରିଥିଲେ ଯେ, ପ୍ରକୃତି ମିଶ୍ର ତାଙ୍କ ସ୍ୱାମୀ ବାବୁସାନଙ୍କୁ ମଦ ଓ ଗଞ୍ଜେଇ ଭଳି ନିଶା ଯୋଗାଇ ଦେଉଛନ୍ତି । ଯେଉଁଥିପାଇଁ ତାଙ୍କ ପାରିବାରିକ ଜୀବନରେ ଝଡ଼ ଉଠିଛି ।