ଚେନ୍ନାଇରେ ସାମିଲ ହେଲେ ଜୁନିୟର ମାଲିଙ୍ଗା: ଆଜି ମୁମ୍ବାଇ ବିପକ୍ଷ ମ୍ୟାଚ ଖେଳିବା ସମ୍ଭାବନା

ମୁମ୍ବାଇ ଚେନ୍ନାଇ ମ୍ୟାଚ ପୂର୍ବରୁ ଚେନ୍ନାଇର ବଡ ନିଷ୍ପତ୍ତି । ଚେନ୍ନାଇରେ ସାମିଲ ହୋଇଛନ୍ତି ଜୁନିୟର ମାଲିଙ୍ଗା । ଚେନ୍ନାଇର ବୋଲର ଆଡମ ମିଲନେ ଆହତ ହେବା ଯୋଗୁଁ ପୂରା ଆଇପିଏଲରୁ ବାଦ ପଡିଛନ୍ତି । ତେଣୁ ତାଙ୍କ ସ୍ଥାନରେ ଚେନ୍ନାଇ ଶ୍ରୀଲଙ୍କା ବୋଲର ମଥିଶା ପଥିରାନାଙ୍କୁ ସାଇନ କରିଛନ୍ତି । ତେଣୁ ଆଜି ମୁମ୍ବାଇ ବିପକ୍ଷ ମ୍ୟାଚରେ ସେ ମୈଦାନକୁ ଓହ୍ଲାଇ ପାରନ୍ତି ବୋଲି ଚର୍ଚ୍ଚା ହେଉଛି ।
୧୯ ବର୍ଷିୟ ମଥିଶା ପଥିରାନାଙ୍କୁ ୨୦ ଲକ୍ଷ ଟଙ୍କାରେ ଦଳରେ ସାମିଲ କରିଛି ଚେନ୍ନାଇ । ମଥିଶା ଶ୍ରୀଲଙ୍କା ପାଇଁ ୨୦୨୨ ଅଣ୍ଡର ୧୯ ବିଶ୍ୱକପ ମଧ୍ୟ ଖେଳିସାରିଛନ୍ତି । ତାଙ୍କ ବୋଲିଂ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି । ତାଙ୍କ ବୋଲିଂ ଷ୍ଟାଇଲ ପୂରା ଲାସିଥ ମାଲିଙ୍ଗା ପରି । ତେଣୁ ତାଙ୍କୁ ଜୁନିୟର ମାଲିଙ୍ଗା ବୋଲି ମଧ୍ୟ କୁହାଯାଉଛି ।