ଜାମ୍ମୁ କାଶ୍ମୀର : ଆତଙ୍କବାଦୀ ଙ୍କ ଗୁଳିରେ ଶ୍ରମିକ ଙ୍କ ମୃତ୍ୟୁ

ସ୍ୱାଧୀନତା ଦିବସ ପୂର୍ବରୁ ପୁଣି ଅଶାନ୍ତ ହୋଇଛି କାଶ୍ମୀର ଘାଟି I ଜଣେ ଅଣ କାଶ୍ମୀରୀ ଶ୍ରମିକ ଙ୍କୁ ଜାମ୍ମୁ କାଶ୍ମୀରର ବାନ୍ଦିପୋରା ଠାରେ ଗୁଳି କରି ହତ୍ୟା କରାଯାଇଛି I ସନ୍ଦିଗ୍ଧ ଆତଙ୍କବାଦୀମାନେ ଶ୍ରମିକଙ୍କୁ ଗୁଳି କରିଥିବା ଜଣା ପଡିଛି I ମୃତ ଶ୍ରମିକ ହେଉଛନ୍ତି ବିହାରର ବାସିନ୍ଦା। ମୃତକଙ୍କ ନାମ ମହମ୍ମଦ ଅମରେଜ ହୋଇଥିବାବେଳେ ତାଙ୍କ ବୟସ ୧୯ ବର୍ଷ ବୋଲି ଜଣା ପଡିଛି I ତାଙ୍କ ପିତାଙ୍କ ନାଁ ମହମ୍ମଦ ଜଲିଲ । ବାନ୍ଦିପୋରା ଜିଲ୍ଲାର ତହସିଲ ଅଜାସର ସାଡୁନାରା ଗ୍ରାମରେ ଏହି ଘଟଣା ଘଟିଛି। ସେ ଦୀର୍ଘଦିନ ଧରି ଏଠାରେ ରହି କାମ କରୁଥିଲେ । ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି । ହତ୍ୟାକାରୀ ଙ୍କୁ ଗିରଫ ପାଇଁ ପୋଲିସ ନାକାବନ୍ଦୀ କରିଛି I