ଆଇପିଏଲ୍ ୨୦୨୨ ର ୫୨ ତମ ମ୍ୟାଚ୍ ରେ ପଞ୍ଜାବ କିଙ୍ଗସ୍ ଆଜି ରାଜସ୍ଥାନ ରୟାଲ୍ସ ମଧ୍ୟ କଡା ଟକ୍କର ହେବାକୁ ଯାଉଛି I ରାଜସ୍ଥାନ ଦଳ କୁ ଶେଷ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡୁଥିବାବେଳେ ପଞ୍ଜାବ ଗୁଜୁରାଟକୁ ପରାସ୍ତ କରି ଚମତ୍କାର ପ୍ରଦର୍ଶନ କରିଛି। ପଞ୍ଜାବ କିଙ୍ଗ୍ସର ଅଧିନାୟକ ମୟଙ୍କ ଅଗ୍ରୱାଲ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି I ଉଭୟ ଦଳ ୧୦ଟି ଲେଖାଏଁ ମ୍ୟାଚ୍ ଖେଳି ସାରିଥିବା ବେଳେ ପ୍ଲେ- ଅଫ୍ ଦୌଡ଼ରେ ସ୍ଥାନ ଦୃଢ଼ କରିବା ଲକ୍ଷ୍ୟରେ ରହିଛନ୍ତି । ଆଇପିଏଲ୍ ପଏଣ୍ଟ ତାଲିକାରେ ରୟାଲ୍ସ ଦଳ ୧୦ଟି ମ୍ୟାଚ୍ରୁ ୬ ବିଜୟ ଓ ୪ ପରାଜୟ ସହ ମୋଟ ୧୨ପଏଣ୍ଟ ପାଇ ତୃତୀୟ ସ୍ଥାନରେ ରହିଛି । ପ୍ଲେ-ଅଫରେ ସ୍ଥାନ ପାଇବାକୁ ହେଲେ ଶେଷ ୪ଟି ମ୍ୟାଚରୁ ୩ଟି ମ୍ୟାଚ ଜିତିବା ଜରୁରୀ । ପୂର୍ବ ଦୁଇଟି ମ୍ୟାଚରେ ଦଳ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ୍ ରାଇଡର୍ସଠୁ ପରାଜିତ ହୋଇଛି ।
ଚଳିତ ସିଜନରେ ରୟାଲ୍ସ ପ୍ରଥମ ଥର କିଙ୍ଗ୍ସକୁ ଭେଟିବ । ଜୋସ୍ ବଟଲର ଓ ସଞ୍ଜୁ ସାମସନ୍ଙ୍କଠୁ ବ ଇନିଂସ ଆଶା ରଖିଛି ଟିମ୍ । ବଟଲର ସିଜନର ସର୍ବାଧିକ ରନ୍ ହାସଲକାରୀ ଥିବାବେଳେ ଅରେଞ୍ଜ କ୍ୟାପ୍ ଅକ୍ତିଆର କରିଛନ୍ତି । ସ୍ପିନର ୟୁଝବେନ୍ଦ୍ର ଚହଲ ପୂର୍ବ ୨ଟି ମ୍ୟାଚରେ ମାତ୍ର ୨ଟି ୱିକେଟ୍ ହାତେଇବାରେ ସଫଳ ହୋଇଥିଲେ ।
କିଙ୍ଗ୍ସ ଦଳ ୧୦ମ୍ୟାଚରୁ ୫ ବିଜୟ ଓ ୫ ପରାଜୟ ସହ ୧୦ପଏଣ୍ଟ ପାଇ ସପ୍ତମ ସ୍ଥାନରେ ରହିଛି । ପୂର୍ବ ମ୍ୟାଚ୍ରେ ଦଳ ଟେବୁଲ ଟପ୍ପର ଗୁଜରାଟ ଟାଇଟନ୍ସକୁ ହରାଇ ବିଜୟଧାରାକୁ ଫେରିଛି । ଏହି ବିଜୟ ଦଳର ମନୋବଳ ଦ୍ୱିଗୁଣିତ କରିଛି । ଓପନର ଶିଖର ଧାୱନ, ଭାନୁକା ରାଜାପାକ୍ସା ଓ ଲାଏମ୍ ଲିଭିଙ୍ଗ୍ଷ୍ଟୋନ୍ ଫର୍ମରେ ଥିବାବେଳେ କାଗିସୋ ରାବାଡ଼ା, ଅର୍ଶଦୀପ ସିଂହ ଭଲ ବୋଲିଂ କରୁଛନ୍ତି । ରୟାଲ୍ସ ବ୍ୟାଟର ଓ କିଙ୍ଗ୍ସ ବୋଲରଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ ।
Comments are closed, but trackbacks and pingbacks are open.