IPL 2022: ଗୁଜୁରାଟକୁ ୮ ୱିକେଟରେ ପରାସ୍ତ କରି ପଞ୍ଜାବ ପଏଣ୍ଟ ଟେବୁଲରେ ୫ ନମ୍ବର ସ୍ଥାନ ରେ ପହଞ୍ଚିଲା

DY ପାଟିଲ ଷ୍ଟାଡିୟମରେ ଗୁଜୁରାଟ ଟାଇଟାନ୍ସ ଏବଂ ପଞ୍ଜାବ କିଙ୍ଗସ ମଧ୍ୟରେ ଆଇପିଏଲର ୪୮ ତମ ମ୍ୟାଚ୍ ଖେଳାଯାଇଥିଲା Iଏହି ମ୍ୟାଚରେ ପଞ୍ଜାବ ଗୁଜୁରାଟକୁ ୮ ୱିକେଟରେ ପରାସ୍ତ କରିଛି। ଗୁଜୁରାଟର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଏହା ପରେ ଗୁଜୁରାଟ ପଞ୍ଜାବ ସମ୍ମୁଖରେ ୧୪୪ ରନ୍‌ର ଏକ ଲକ୍ଷ୍ୟ ରଖିଥିଲା , ଏହା ପରେ ପଞ୍ଜାବ କିଙ୍ଗ୍ସ ୧୬ ଓଭରରେ ମାତ୍ର 2 ୱିକେଟ୍ ହରାଇ ଲକ୍ଷ୍ୟ ହାସଲ କରିନେଇଛି । ପଞ୍ଜାବ ପାଇଁ ଶିଖର ଧାୱନ ସର୍ବାଧିକ ରନ୍ ସଂଗ୍ରହ କରିଥିଲେ। ପଞ୍ଜାବ ପକ୍ଷରୁ ଶିଖର ଧୱନ ରକ୍ଷଣଶୀଳ ବ୍ୟାଟିଂ କରି ସର୍ବାଧିକ ୬୨ ରନ୍ କରିଥିବା ବେଳେ ତାଙ୍କ ପଛଖୁ ଭାନୁକା ରାଜ୍‌ପାକ୍ଷେ ୪୦ ରନ୍ ଓ ଲିଭିଂଷ୍ଟୋନ୍ ବିସ୍ଫୋରକଣ ବ୍ୟାଟିଂ କରି ମାତ୍ର ୧୦ ବଲ୍‌ରେ ୩୦ ରନ୍‌ କରି ଦଳକୁ ଜିତାଇଥିଲେ।