ହାଇଦ୍ରାବାଦ: ହାଇଦ୍ରାବାଦ-ବେଙ୍ଗାଲୁରୁ ରାଜପଥର କୁର୍ଣ୍ଣୁଲରେ ଏକ ବାଇକ ସହିତ ଧକ୍କା ହେବା ପରେ ହାଇଦ୍ରାବାଦ-ବେଙ୍ଗାଲୁରୁ ଏନ୍ଏଚ୍ ବସ୍ରେ ଲାଗିଲା ନିଆଁ। ଘଟଣାରେ ୨୦ ଯାତ୍ରୀଙ୍କ ମୃତ୍ୟୁ ଘଟିଥିବା ସୂଚନା ରହିଛି। ସୂଚନା ଅନୁସାରେ ବାଇକ୍ ସହ ଧକ୍କା ହେବାରୁ ବସ୍ରେ ହଠାତ୍ ଲାଗିଲା ନିଆଁ। ବସ୍ରେ ୪୨ ଜଣ ଯାତ୍ରୀ ଥିଲେ, ଅନେକଙ୍କ ଅବସ୍ଥା ସଙ୍କଟାପନ୍ନ ରହିଛି। ହାଇଦ୍ରାବାଦରୁ ବେଙ୍ଗାଲୁରୁ ଅଭିମୁଖେ ଯାଉଥିଲା ଏହି ବସ୍। ଆହୁରି ଅନେକଙ୍କ ମୃତ୍ୟୁ ଆଶଙ୍କା କରାଯାଉଛି। ଖବର ଅନୁଯାଇ କୁହାଯାଉଛି ଯେ ଏହି ଲୋକମାନେ ବସ୍ ରେ ନିଆଁ ଲାଗିବା ପରେ ବସରୁ ବାହାରି ପାରିନଥିଲେ। ଫଳରେ ସେମାନେ ଜଳିଯାଇଥିଲେ। ବସରେ ଯେତେବେଳେ ନିଆଁ ଲାଗିଥିଲା ଲୋକମାନେ ଭୟଭୀତ ହୋଇ ଖସିଯିବାକୁ ଚେଷ୍ଟା କରିଥିଲେ, କିନ୍ତୁ ନିଆଁ ଏତେ ତୀବ୍ର ଥିଲା ଯେ ସେମାନେ ଭିତରେ ଫସି ଯାଇଥିଲେ। ତେବେ ଏଠାରେ ୧୨ ଜଣ ଖସିଯିବାରେ ସଫଳ ହୋଇଥିଲେ। ବର୍ତ୍ତମାନ ମୃତ୍ୟୁ ସଂଖ୍ୟା ୨୦ ଏବଂ ସଂଖ୍ୟା ଆହୁରି ବଢ଼ିପାରେ। ଆଜି ସକାଳେ ଏହି ଦୁର୍ଘଟଣା ଘଟିଛି। ଅଗ୍ନିକାଣ୍ଡ ଘଟିଥିବା ବସ୍ଟି କାବେରୀ ଟ୍ରାଭେଲ୍ସର ମାଲିକାନାରେ ଥିବା ଏକ ଘରୋଇ ବସ୍ ଥିଲା।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ବସ୍ଟି ଏକ ବାଇକ୍ ସହିତ ଧକ୍କା ହେବା ପରେ ନିଆଁ ଲାଗିଯାଇଥିଲା। କିଛି ଯାତ୍ରୀ ଖସି ପଳାଇବାରେ ସଫଳ ହୋଇଥିଲେ, ଯେତେବେଳେ ଅନ୍ୟମାନେ ଭିତରେ ପୋଡ଼ି ମୃତ୍ୟୁବରଣ କରିଥିଲେ। ରାତି ହେତୁ, ସମୟାନୁସାରେ ସାହାଯ୍ୟ ମିଳିପାରିନଥିଲା, ଯାହା ଫଳରେ ବହୁତ ଜୀବନ ଏବଂ ସମ୍ପତ୍ତି କ୍ଷୟକ୍ଷତି ହୋଇଥିଲା। ଅଧିକାରୀମାନେ ଏପର୍ଯ୍ୟନ୍ତ ମୃତାହତଙ୍କ ସଠିକ୍ ସଂଖ୍ୟା ନିଶ୍ଚିତ କରିନାହାଁନ୍ତି। ମୁଖ୍ୟମନ୍ତ୍ରୀ ଏନ. ଚନ୍ଦ୍ରବାବୁ ନାଇଡୁ ପୀଡିତଙ୍କ ପରିବାର ପ୍ରତି ସମବେଦନା ପ୍ରକାଶ କରିଛନ୍ତି।
Comments are closed, but trackbacks and pingbacks are open.