ଫିଲିପାଇନ୍ସରେ ତୋଫାନ ‘ରାୟ’ ର ତାଣ୍ଡବ ରେ ୨୩ ମୃତ , ବ୍ୟାପକ କ୍ଷୟକ୍ଷତି

ଫିଲିପାଇନ୍ସରେ ତୋଫାନ ‘ରାୟ’ ତାଣ୍ଡବ ରଚିଛି । ଏହି କ୍ରମରେ ଘଂଟାପ୍ରତି ୧୯୫ କିଲୋମିଟର ବେଗରେ ପବନ ବହିବାରୁ ବହୁ ଘରଦ୍ୱାର ଭାଙ୍ଗିବା ସହ ୨୩ ଜଣଙ୍କ ମୃତ୍ୟୁ ହୋଇଥିବା ପ୍ରଶାସନ ସୂଚନା ଦେଇଛି । ହେଲେ ଫିଲିପାଇନ୍ସ ବିପର୍ଯ୍ୟୟ ପ୍ରଶମନ ବିଭାଗ ମୃତ୍ୟୁ ସଂଖ୍ୟା ୧୨ ବୋଲି କହିଛି ।
ଏହି ତୋଫାନ ପୂର୍ବରୁ ୩ ଲକ୍ଷ ଲୋକଙ୍କୁ ସରକାରଙ୍କ ପକ୍ଷରୁ ଉଚ୍ଚ ସ୍ଥାନକୁ ନିଆଯାଇଥିଲା । ହେଲେ କିଛିି ଲୋକ ରହିଯାଇଥିଲେ । ରାୟ ତୋଫାନ ଫଳରେ ଘଂଟା ପ୍ରତି ୧୯୫ ରୁ ୨୭୦ କିଲୋମିଟର ବେଗରେ ପବନ ବହିଥିଲା । ଏନେଇ ରାଷ୍ଟ୍ରୀୟ ପୋଲିସ କହିଛି କି ଏହି ତୋଫାନରେ ଅତିକମରେ ୨୩ ଜଣ ଲୋକଙ୍କର ଜୀବନ ଯାଇଛି । ହେଲେ ଏହାର ବିସ୍ତୃତ ସୂଚନା ମିଳିପାରି ନାହିଁ । ସର୍ବାଧିକ ମୃତକ ଗ୍ରାମୀଣ ଅଞ୍ଚଳର ବୋଲି କୁହାଯାଇଛି । ସେମାନଙ୍କର ମୃତ୍ୟୁ ମୁଖ୍ୟତ ଗଛ ପଡିବାରୁ ହୋଇଛି ।
ଦୀନାଗତ ଦ୍ୱୀପ ଫିଲିପିନର ପ୍ରଥମ ଅଞ୍ଚଳରେ ରାୟ ତୋଫାନ କାରଣରୁ ବିଦ୍ୟୁତ୍ ସରବରାହ ଓ ଇଣ୍ଟରନେଟ୍ ସେବା ବିଚ୍ଛିନ୍ନ ହୋଇଛି । ରାଜ୍ୟପାଳ କହିଛନ୍ତି ୧.୮୦ ଲୋକ ରହୁଥିବା ଜମିଦଗଞ୍ଜ ପୁରା ଛାରଖାର ହୋଇଯାଇଛି । ପାନୀୟ ଜଳ, ଅସ୍ଥାୟୀ ଆବାସ, ସ୍ୱଚ୍ଛତା କିଟ ଓ ଔଷଧ ଯୋଗାଇବାକୁ ସେ ଫିଲିପାଇନ୍ସ ସରକାରଙ୍କୁ ଅନୁରୋଧ କରିଛନ୍ତି ।
କୌଣସି ପ୍ରକାର ପଡୋଶୀ ରାଜ୍ୟରେ ପହଂଚିଥିବା ଉପ ରାଜ୍ୟପାଳ ନିଲୋ ଦେମେର ଡିଜେଡଏମଏମ ରେଡିଓ ନେଟୱର୍କକୁ କହିଛନ୍ତି କି ତାଙ୍କ ରାଜ୍ୟରେ ଅତି କମରେ ୬ ଜଣଙ୍କର ମୃତ୍ୟୁ ହୋଇଛି । ଏହାସହ ଦିନାଗତରେ ଥିବା ପ୍ରାୟ ୯୫ ପ୍ରତିଶତ ଘରର ଛାତ ନଷ୍ଠ ହୋଇଯାଇଛି । ଏପରିକି ଜରୁରୀକାଳୀନ ବାସଭବନର ଛାତ ମଧ୍ୟ ଭାଙ୍ଗିଯାଇଥିବା କଥା ସେ କହିଛନ୍ତି ।
ଅନ୍ୟପଟେ ରିଲିଫ୍ କ୍ୟାମ୍ପଗୁଡିକ କ୍ଷତିଗ୍ରସ୍ତ ହୋଇଥିବାରୁ ଏହାର ମରାମତି କାର୍ଯ୍ୟ ଜାରି ରହିଛି ।