ହାଇ ପ୍ରୋଫାଇଲ ମହିଳା ଗିରଫ

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ପୁଣି ଜଣେ ହାଇ ପ୍ରୋଫାଇଲ ମହିଳା ଗିରଫ ହୋଇଛନ୍ତି । ସେ ପୁଣି ଠକେଇ ମାମଲାରେ । ଗିରଫ ମହିଳା ଜଣକ ହେଲେ ହଂସିତା ଅଭିଲିପ୍ସା ।  ବଡ଼ବଡ଼ିଆଙ୍କ ସହ ସମ୍ପର୍କ ଥିବା କହି ଚୂନ ଲଗାଉଥିଲେ । ନିଜକୁ ପ୍ରଧାନମନ୍ତ୍ରୀଙ୍କ ମୁଖ୍ୟ ପରାମର୍ଶ ଦାତା ପି.କେ ମିଶ୍ରଙ୍କ ଝିଅ ପରିଚୟ ଦେଇ ଏକାଧିକ ଲୋକଙ୍କୁ ଠକିଛନ୍ତି। ଉଚ୍ଚପଦସ୍ଥ ଅଧିକାରୀଙ୍କ ପାଖରେ ଛିଡା ହୋଇ ଫଟୋ ଉଠାଇଛନ୍ତି। ଏହି ଫଟୋକୁ ଦେଖାଇ ଏକାଧିକ ବଡ଼ ବଡ଼ିଆଙ୍କୁ ଜାଲରେ ପକାଇ ଠକିଛନ୍ତି । ପୂର୍ବତନ ସିଏଜି ଓ ମୁଖ୍ୟ ସଚିବଙ୍କ ସହ ଫଟୋ ଦେଖାଉଥିଲେ।  ଖଣି ବ୍ୟବସାୟୀ ଓ ବିଲଡର୍ସଙ୍କୁ ଠକେଇ କରିଥିବା ଅଭିଯୋଗରେ ଇନଫୋସିଟି ଥାନା ପୁଲିସ ତାଙ୍କୁ ଗିରଫ କରି କୋର୍ଟଚାଲାଣ କରିଛି । ସମ୍ପୃକ୍ତ ମହିଳାଙ୍କ ଲିଙ୍କରେ ଜଣେ ପୁରୁଷ ମଧ୍ୟ ଗିରଫ ହୋଇଛନ୍ତି ।