କଂଗ୍ରେସ ପୋଷ୍ଟରରେ କାଶ୍ମୀର ମାନଚିତ୍ରର ଅଧା, ବିଜେପି କହିଲା ଏହା ହେଉଛି ନୂଆ ମୁସଲିମ୍ ଲିଗ୍

ନୂଆଦିଲ୍ଲୀ: କଂଗ୍ରେସର ବେଲଗାଭି ଅଧିବେଶନରେ ପୋଷ୍ଟରରେ ପ୍ରଦର୍ଶିତ ହୋଇଥିବା ଭାରତର ମାନଚିତ୍ରକୁ ନେଇ ସାରା ଦେଶରେ ରାଜନୀତି ଗରମ ହୋଇଛି। ପୋଷ୍ଟରରେ କାଶ୍ମୀରକୁ ପାକିସ୍ତାନର ଏକ ଅଂଶ ଭାବରେ ଦର୍ଶାଯାଇଛି ବୋଲି ବିଜେପି ଅଭିଯୋଗ କରିଛି। ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲଭିୟ କହିଛନ୍ତି ଯେ, କଂଗ୍ରେସର ପୋଷ୍ଟରରେ ଭାରତର ମାନଚିତ୍ରକୁ ଅଧା ଦର୍ଶାଯାଇଛି। ଏଥିରେ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀଙ୍କ ଫଟୋ ମଧ୍ୟ ଲାଗିଛି, ଯେଉଁଥିରେ କାଶ୍ମୀରକୁ ପାକିସ୍ତାନର ଏକ ଅଂଶ ବୋଲି ଦର୍ଶାଯାଇଛି। ଅମିତ କହିଛନ୍ତି ଯେ, “କଂଗ୍ରେସ କାର୍ଯ୍ୟକ୍ରମରେ ଏହା ଭୁଲ ହୋଇପାରିବ ନାହିଁ। ଏହା ଏକ ବିବୃତ୍ତି। ଏହା ସେମାନଙ୍କର ତୃଷ୍ଟିକରଣ ରାଜନୀତିର ଏକ ଅଂଶ, ଯାହା ବିଶ୍ୱାସ କରେ ଯେ ଭାରତୀୟ ମୁସଲମାନମାନେ ଭାରତ ଅପେକ୍ଷା ପାକିସ୍ତାନ ପ୍ରତି ଅଧିକ ବିଶ୍ୱସ୍ତ ଅଟନ୍ତି।” ଅମିତ ଅଭିଯୋଗ କରିଛନ୍ତି ଯେ, କଂଗ୍ରେସ ହେଉଛି ଦ୍ୱିତୀୟ ମୁସଲିମ ଲିଗ୍ ଏବଂ ପୁଣିଥରେ ଭାରତ ଭାଙ୍ଗିବାକୁ ଚାହୁଁଛି।