ଭୁବନେଶ୍ୱର: ଭୁବନେଶ୍ୱର: ଗ୍ରୀଡକୋ ସହ ମେସର୍ସ ରିନ୍ୟୁ ଇ-ଫୁଏଲସ୍ ପ୍ରାଇଭେଟ୍ ଲିମିଟେଡ୍ ୫୦ ମେଗାୱାଟ୍ ପାଇଁ ଏବଂ ମେସର୍ସ ଅଲଟ୍ରାଟେକ୍ ସିମେଣ୍ଟ୍ ଲିମିଟେଡ୍ ସହିତ ୬.୨୫ ମେଗାୱାଟ୍ ର ରିନେବୁଲ ଏନର୍ଜି ବ୍ୟାଙ୍କିଂ ପାଇଁ ଚୁକ୍ତିନାମା ସ୍ୱାକ୍ଷରିତ ହୋଇଛି । ଆଜି ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ ସଶକ୍ତିକରଣ, ଶକ୍ତିମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ଉପସ୍ଥିତିରେ ଏହି ଚୁକ୍ତିନାମା ସ୍ୱାକ୍ଷରିତ କରିଛନ୍ତି । ଓଡ଼ିଶାର ଅକ୍ଷୟ ଶକ୍ତି ଅନୁକୂଳ ଓ ଗ୍ରୀନ ହାଇଡ୍ରୋଜେନ୍ (ସବୁଜ ଆମୋନିଆ) ବ୍ୟବହାରକୁ ଆଗକୁ ବଢ଼ାଇବା, ଏକ ସ୍ଥାୟୀ ଏବଂ ସମୃଦ୍ଧ ଭବିଷ୍ୟତ ପାଇଁ ପଥ ପ୍ରଶସ୍ତ କରିବା ନିମନ୍ତେ ଏହି ଚୁକ୍ତିନାମା ପ୍ରୋତ୍ସାହିତ କରିବ । ଉପମୁଖ୍ୟମନ୍ତ୍ରୀ ଶ୍ରୀ ସିଂହଦେଓ କହିଛନ୍ତି ଯେ ବର୍ଦ୍ଧିତ ଶିଳ୍ପ ଚାହିଦା ପୃଷ୍ଠଭୂମିରେ ଦୃଢ଼ ନୀତି, ସୁଦୃଢ଼ ସବୁଜ ଭିତ୍ତିଭୂମି ଏବଂ ରଣନୈତିକ ବନ୍ଦର ଦ୍ୱାରା ସମର୍ଥିତ ଏହି ଚୁକ୍ତିନାମା ଓଡ଼ିଶାର ନେତୃତ୍ୱ ଏବଂ ଶିଳ୍ପ ବିକାଶ ପ୍ରତି କେନ୍ଦ୍ରିତ ପ୍ରତିବଦ୍ଧତାକୁ ସୂଚିତ କରେ । ଏପର୍ଯ୍ୟନ୍ତ ଆମେ ରାଜ୍ୟରେ ପ୍ରାୟ ୨ ଲକ୍ଷ କୋଟି ଟଙ୍କାର ପ୍ରସ୍ତାବିତ ନିବେଶ ସହିତ ୧୪ଟି ସବୁଜ ହାଇଡ୍ରୋଜେନ୍/ଆମୋନିଆ ପ୍ରକଳ୍ପକୁ ଅନୁମୋଦନ କରିଛୁ । ଏହି ପ୍ରକଳ୍ପଗୁଡ଼ିକ ୨୨ ହଜାର ଲୋକଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବ । ଶକ୍ତି ବିଭାଗ ପ୍ରମୁଖ ସଚିବ ବିଶାଲ ଦେବ କହିଛନ୍ତି ଯେ, ସୌର ଏବଂ ପବନ ଭଳି ନବୀକରଣୀୟ ଶକ୍ତି ଉତ୍ସରୁ ଉତ୍ପାଦିତ ଶକ୍ତି ପାଣିପାଗ ପରିସ୍ଥିତି ଉପରେ ନିର୍ଭରଶୀଳ ହୋଇଥିବାରୁ, ପାୱାରର ବ୍ୟାଙ୍କିଂ ନିହାତି ଜରୁରୀ ।
ଓଡ଼ିଶା ନବୀକରଣୀୟ ଶକ୍ତି ନୀତି, ୨୦୨୨ ଏବଂ OERC (ସବୁଜ ଶକ୍ତି ଖୋଲା ପ୍ରବେଶ ମାଧ୍ୟମରେ ନବୀକରଣୀୟ ଶକ୍ତିର ପ୍ରୋତ୍ସାହନ) ନିୟମାବଳୀ, ୨୦୨୩ ଅନୁଯାୟୀ ନବୀକରଣୀୟ ଶକ୍ତିର ବିକାଶ ପାଇଁ ଏକ ବ୍ୟାପକ ଏବଂ ଉନ୍ନତ ଚିନ୍ତାଧାରା ଗ୍ରହଣ କରିଛି । ଗ୍ରୀଡକୋର ପରିଚାଳନା ନିର୍ଦ୍ଦେଶକ ଡ଼ ସତ୍ୟପ୍ରିୟ ରଥ, ରିନ୍ୟୁ, ଅଲ୍ଟ୍ରାଟେକ୍ ସିମେଣ୍ଟର ପ୍ରତିନିଧି, ଗ୍ରୀଡକୋ, ଶକ୍ତି ବିଭାଗର ବରିଷ୍ଠ ଅଧିକାରୀମାନେ ଚୁକ୍ତିନାମା ସ୍ୱାକ୍ଷର ସମୟରେ ଉପସ୍ଥିତ ଥିଲେ ।
Comments are closed, but trackbacks and pingbacks are open.