CBSE ବୋର୍ଡ ରୁ ଖୁସି ଖବର, ବିନା ଅନୁମତି ରେ ବିଦେଶୀ ଛାତ୍ର ମାନେ ପାଇପାରିବେ ଆଡମିଶନ
ସିବିଏସ୍ଇ ବୋର୍ଡ ଗୁରୁବାର ଦିନ ଘୋଷଣା କରିଛି ଯେ ସିବିଏସ୍ଇ ଅନୁବନ୍ଧିତ ବିଦ୍ୟାଳୟରେ ଆଡମିଶନ ନେବାକୁ ଚାହୁଁଥିବା ବିଦେଶୀ ବୋର୍ଡର ଛାତ୍ରମାନ ଙ୍କୁ ଆଉ ସିବିଏସଇ ବୋର୍ଡ ରୁ ଅନୁମତି ନେବାକୁ ପଡ଼ିବ ନାହିଁ।
କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ର ଜଣେ ଅଧିକାରୀ କହିଛନ୍ତି ଯେ ଛାତ୍ରଛାତ୍ରୀଙ୍କ ଅନୁମତି ପାଇଁ ଆବେଦନ ସଂଖ୍ୟା ବୃଦ୍ଧି ପରେ ଏହି ପଦକ୍ଷେପ ନିଆଯାଇଛି। କୋଭିଡ -19 ମହାମାରୀ ପରେ ଅନେକ ପରିବାର ବିଭିନ୍ନ କାରଣରୁ ବିଦେଶରୁ ଫେରୁଛନ୍ତି।
ସିବିଏସ୍ଇର ପରୀକ୍ଷା ନିୟନ୍ତ୍ରକ ସ୍ୱୟଂମ ଭରଦ୍ୱାଜ କହିଛନ୍ତି, ‘କରୋନା ମହାମାରୀ ପରେ ଅନେକ ପରିବାର ବିଭିନ୍ନ କାରଣରୁ ଭାରତ ଆସୁଛନ୍ତି’। ସେଥିପାଇଁ ବିଦେଶୀ ବୋର୍ଡରେ ପଢୁ ଥିବା ଅନେକ ଛାତ୍ର ସିବିଏସ୍ଇ ଅନୁବନ୍ଧିତ ବିଦ୍ୟାଳୟରେ ଆଡମିଶନ ନେଉଛନ୍ତି | ଯେହେତୁ ଅନ୍ୟ ବୋର୍ଡର ଛାତ୍ରମାନେ ଦୁଇଟି ଭିନ୍ନ ବୋର୍ଡର ଶ୍ରେଣୀର ସମାନତା ଆଧାରରେ ଆଡମିଶନ ହୁଅନ୍ତି, ତେଣୁ ବିଦେଶୀ ବୋର୍ଡରୁ ଆସୁଥିବା ଛାତ୍ରମାନେ ତାଙ୍କ ବିଦ୍ୟାଳୟ ମାଧ୍ୟମରେ ସିବିଏସ୍ଇରେ ଆବେଦନ କରୁଛନ୍ତି ଯେ ସେମାନଙ୍କୁ ସମାନତା ଆଧାରରେ ୯ ମ ଏବଂ ଏକାଦଶ ଶ୍ରେଣୀରେ ଭର୍ତ୍ତି କରାଯିବା ଉଚିତ୍ ।
ଏହି ପରିପ୍ରେକ୍ଷୀରେ ଭରଦ୍ୱାଜ କହିଛନ୍ତି ଯେ, ଏହି ଛାତ୍ର ତଥା ସେମାନଙ୍କ ପରିବାର ସମ୍ମୁଖୀନ ହେଉଥିବା ସମସ୍ୟା ତଥା ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ସିବିଏସ୍ଇ ନିଷ୍ପତ୍ତି ନେଇଛି ଯେ ବିଦେଶୀ ବୋର୍ଡରୁ ଆସୁଥିବା ଛାତ୍ରମାନେ ସିବିଏସ୍ଇ ଅନୁବନ୍ଧିତ ବିଦ୍ୟାଳୟରେ ଆଡମିଶନ ପାଇଁ କୌଣସି ପୂର୍ବ ଅନୁମତି ଗ୍ରହଣ କରିବେ ନାହିଁ।
ସେ କହିଛନ୍ତି, “CBSE କ୍ଲାସ ସହିତ ବିଦେଶୀ ବୋର୍ଡର ଦଶମ ଏବଂ ଦ୍ୱାଦଶ ଶ୍ରେଣୀର ସମାନତା ତାଲିକା ଆମ ୱେବସାଇଟରେ ଦିଆଯାଇଛି I ବର୍ତ୍ତମାନ ବିଦ୍ୟାଳୟଗୁଡ଼ିକ CBSE ର କୌଣସି ଅନୁମତି ନ ନେଇ ଛାତ୍ରଛାତ୍ରୀଙ୍କୁ ଗ୍ରହଣ କରିପାରିବେ I
