ସଫଳତାର ସହ ଶେଷ ହେଲା ‘ଗ୍ଲୋବାଲ କ୍ଲିନଟେକ୍ ଏକ୍ସପୋ – ଓଡ଼ିଶା ୨୦୨୬’

ଭୁବନେଶ୍ୱର: ଭୁବନେଶ୍ୱରରେ ଅନୁଷ୍ଠିତ ‘ଗ୍ଲୋବାଲ କ୍ଲିନଟେକ୍ ଏକ୍ସପୋ – ଓଡ଼ିଶା ୨୦୨୬’ ପୂର୍ବ ଭାରତର ସର୍ବବୃହତ ସ୍ୱଚ୍ଛ ଶକ୍ତି ଏବଂ ସ୍ଥାୟୀ ଗତିଶୀଳତା (Sustainable Mobility) ପ୍ରଦର୍ଶନୀ ଭାବେ ସଫଳତାର ସହ ସମାପ୍ତ ହୋଇଛି। ୨୦୨୬ ଫେବୃଆରୀ ୨୦-୨୧ ତାରିଖ, ଏହି ଦୁଇ ଦିନିଆ କାର୍ଯ୍ୟକ୍ରମରେ ଶିଳ୍ପ ଜଗତର ପ୍ରମୁଖ ବ୍ୟକ୍ତିତ୍ୱ, ନୀତି ନିର୍ଦ୍ଧାରକ, ଉଦ୍ଭାବକ ଏବଂ ନିବେଶକମାନେ ଏକାଠି ହୋଇ ଭାରତର ସ୍ୱଚ୍ଛ ଶକ୍ତି ପରିବର୍ତ୍ତନକୁ ତ୍ୱରାନ୍ୱିତ କରିବା ଦିଗରେ ଆଲୋଚନା କରିଥିଲେ। ଏହି ପ୍ରଦର୍ଶନୀରେ ୧୦୦ରୁ ଅଧିକ ପ୍ରଦର୍ଶକ ଏବଂ ଅଂଶୀଦାର ଅଂଶଗ୍ରହଣ କରିଥିବା ବେଳେ ୧୦,୦୦୦ରୁ ଅଧିକ ପରିଦର୍ଶକ ଆସିଥିଲେ। ଏଥିସହ ୧୦ରୁ ଅଧିକ କନଫରେନ୍ସ ସେସନରେ ପ୍ରାୟ ୧୦୦ରୁ ଅଧିକ ବିଶିଷ୍ଟ ବକ୍ତା ନିଜର ମତ ରଖିଥିଲେ। ଓଡ଼ିଶା ସରକାରଙ୍କ ଗ୍ରୀନ୍ ଇନିସିଏଟିଭ୍ ଏବଂ ଗ୍ରୀଡକୋ (GRIDCO) ଦ୍ୱାରା ସମର୍ଥିତ ଏବଂ ଓଡ଼ିଶା କ୍ଲିନଟେକ୍ ଆସୋସିଏସନ (OCTA) ଓ NETRA ଦ୍ୱାରା ପରିଚାଳିତ ଏହି କାର୍ଯ୍ୟକ୍ରମ, ସ୍ୱଚ୍ଛ ପ୍ରଯୁକ୍ତିବିଦ୍ୟା ଏବଂ ନବସୃଜନ କ୍ଷେତ୍ରରେ ଓଡ଼ିଶାର ସ୍ଥିତିକୁ ଅଧିକ ମଜବୁତ କରିଛି । ଏହି ଏକ୍ସପୋରେ ‘ଏମଜିଏମ୍ ଗ୍ରୀନ୍ ଏନର୍ଜି’ (MGM Green Energy) ଏବଂ ଏହାର ସହାୟକ କମ୍ପାନୀ ‘ନିଓଟେରିକ୍ ଏନର୍ଜି’ (Neoteric Energy) ଅନ୍ୟତମ ପ୍ରମୁଖ ଅଂଶଗ୍ରହଣକାରୀ ଭାବେ ଯୋଗ ଦେଇଥିଲେ। ସ୍ୱଚ୍ଛ ଶକ୍ତି କ୍ଷେତ୍ରରେ ବିଗତ ବର୍ଷଗୁଡ଼ିକରେ ଏମଜିଏମ୍ ଗ୍ରୀନ୍ ଏନର୍ଜି ଏବଂ ନିଓଟେରିକ୍ ଏନର୍ଜି ଉଲ୍ଲେଖନୀୟ କାର୍ଯ୍ୟ କରିଛନ୍ତି। ବର୍ତ୍ତମାନ ଓଡ଼ିଶାରେ କମ୍ପାନୀର ୧୪ ମେଗାୱାଟର ସୌର ଶକ୍ତି ପ୍ରକଳ୍ପ ଏବଂ ତାମିଲନାଡୁ ଓ ରାଜସ୍ଥାନରେ ମୋଟ ୮.୫ ମେଗାୱାଟର ପବନ ଶକ୍ତି (Wind Power) ପ୍ରକଳ୍ପ କାର୍ଯ୍ୟକାରୀ ହେଉଛି। ଏଥିସହ କମ୍ପାନୀ ବର୍ତ୍ତମାନ ଓଡ଼ିଶା ଏବଂ ସମଗ୍ର ଭାରତରେ ବିଭିନ୍ନ ଶିଳ୍ପ ଓ ବାଣିଜ୍ୟିକ (C&I) ଗ୍ରାହକମାନଙ୍କ ପାଇଁ ପ୍ରାୟ ୧୫୦ ମେଗାୱାଟ କ୍ଷମତା ବିଶିଷ୍ଟ ଅତ୍ୟାଧୁନିକ ସୌର ଶକ୍ତି ପ୍ରକଳ୍ପ ସ୍ଥାପନ କରୁଛି । ଏହି ଅବସରରେ ଫେବୃଆରୀ ୨୦ ତାରିଖରେ ଆୟୋଜିତ ‘ଗ୍ଲୋବାଲ କ୍ଲିନଟେକ୍ ଏକ୍ସଲେନ୍ସ ଆୱାର୍ଡସ-ଓଡ଼ିଶା ୨୦୨୬’ରେ ଏମଜିଏମ୍ ଗ୍ରୀନ୍ ଏନର୍ଜି ଲିମିଟେଡର ନିର୍ଦ୍ଦେଶକ ଶ୍ରୀ ତନୁଜ ମହାନ୍ତିଙ୍କୁ ‘ପ୍ରୋଜେକ୍ଟ ଡେଭଲପର (ଲାର୍ଜ ସ୍କେଲ ସୋଲାର)’ ବର୍ଗରେ ପୁରସ୍କୃତ କରାଯାଇଛି। ନବସୃଜନ ଏବଂ ସ୍ଥାୟୀ ପ୍ରଯୁକ୍ତିବିଦ୍ୟାର ପ୍ରସାର କ୍ଷେତ୍ରରେ ତାଙ୍କର ଅତୁଳନୀୟ ଅବଦାନ ପାଇଁ ଏହି ସମ୍ମାନ ପ୍ରଦାନ କରାଯାଇଛି। ବିଭିନ୍ନ କମ୍ପାନୀ ଏବଂ ବ୍ୟକ୍ତିବିଶେଷଙ୍କ ଠାରୁ ଆସିଥିବା ୬୧ଟି ନାମାଙ୍କନ ମଧ୍ୟରୁ ତାଙ୍କୁ ଏହି ପୁରସ୍କାର ପାଇଁ ମନୋନୀତ କରାଯାଇଥିଲା ।