କାଲି ଖୋଲିବ ରତ୍ନଭଣ୍ଡାର

ଭୁବନେଶ୍ବର: ଆସନ୍ତାକାଲି ଖୋଲାଯିବ ପୁରୀ ଶ୍ରୀମନ୍ଦିରର ରତ୍ନ ଭଣ୍ଡାର । ଏନେଇ ସ୍ପଷ୍ଟ କରିଛନ୍ତି ଆଇନ ମନ୍ତ୍ରୀ । ସେ କହିଛନ୍ତି, ମୁଖ୍ୟମନ୍ତ୍ରୀଙ୍କ ଅନୁମୋଦନ ରହିଛି, ପ୍ରତିଟି ଦିଗକୁ ଗୁରୁତ୍ୱର ସହ ନିଆଯାଇଛି । ମହାପ୍ରଭୁଙ୍କ ସ୍ୱତନ୍ତ୍ର ନୀତି ଭଳି ଏହାକୁ ଗୁରୁତ୍ୱ ଦିଆଯାଇଛି । ଅଳଙ୍କାର ସ୍ୱଛ ଭାବେ ଗଣାଯିବ । ହାଇ ପାୱାର କମିଟି ବସିଥିଲା ଏବଂ ନିଷ୍ପତ୍ତି ହେଲା ଆସନ୍ତାକାଲି ରତ୍ନ ଭଣ୍ଡାର ଖୋଲିବ ଏବଂ ପର୍ଯ୍ୟାୟ କ୍ରମେ ଗଣତି ଜାରି ରହିବ । ଅତ୍ୟନ୍ତ ସ୍ୱଛ ରଖିବା ପାଇଁ ଆରବିଆଇର ସହାୟତା ନିଆଯିବ । ସେମାନେ ସେଠି ରହିବେ, ମ୍ୟାନେଜିଂ ଟିମ ରହିବେ । ଏଥିସହିତ ମନ୍ଦିର ମୁଖ୍ୟ ଅଧିକାରୀ ରହିବେ ମଧ୍ୟ ଉପସ୍ଥିତ ରହିବେ । ପ୍ରଭୁଙ୍କ ପ୍ରତିଟି ଅଳଙ୍କାର ସଂଖ୍ୟା, ଗୁଣାତ୍ମକ ମାନ, ଡିଜିଟାଲ ଲାଇବ୍ରେରୀ କରାଯିବ । ଆଗାମୀ ଦିନରେ ରେଫ୍ରାନ୍ସ ଡକ୍ୟୁମେଣ୍ଟ ପାଇଁ ଏହି ଭିଡିଓ ଗ୍ରାଫି ଆଗାମୀ ଦିନରେ ସହାୟକ ହେବ । ଏସଓପିର ସ୍ପଷ୍ଟ ଚିତ୍ର ମନ୍ଦିର ପ୍ରଶାସନକୁ ଦିଆଯାଇଛି । ରତ୍ନଭଣ୍ଡାର ଭିତରକୁ ବିଶେଷଜ୍ଞ ଟିମ ଯିବ ଏବଂ ମୁଖ୍ୟ ପ୍ରଶାସକଙ୍କ ନେତୃତ୍ୱରେ ଟିମ ହୋଇଛି । ଏଏସଆଇ ପ୍ରତିନିଧି ରହିବେ ଏବଂ ମନ୍ଦିର ଭଣ୍ଡାର ସହ ଲିଙ୍କ ଥିବା ଲୋକେ ମଧ୍ୟ ରହିବେ । ଚାବି ଯେଉଁଟା ଅଛି ସେହି ଚାବିରେ ଖୋଲାଯିବ । ଯଦି ସେହି ଚାବିରେ ନ ଖୋଲିବ ତେବେ ମାଜିଷ୍ଟ୍ରେଟଙ୍କ ଉପସ୍ଥିତିରେ ତାଲା ଭଙ୍ଗାଯିବ । ୨୪ ବର୍ଷ ସରକାର ଏ ଭଣ୍ଡାର ଖୋଲିନଥିଲେ । ଏହି ନୂଆ ସରକାର କଥା ରଖି କଥା ରଖୁଛନ୍ତି । ଗତ ଥର ୭୨ ଦିନ ଲାଗିଥିଲା । କିନ୍ତୁ ଏଥର ଆମେ ଶୀଘ୍ର ପାଇଁ ଚେଷ୍ଟା କରିବୁ। ଗତ ସରକାର ବିଭିନ୍ନ କମିଶନକୁ ଲୁଚାଇ ରଖିଥିଲେ, କିନ୍ତୁ ଆମେ ସବୁ ରିପୋର୍ଟ ପବ୍ଲିକ କରିବୁ । ପ୍ରତିଦିନ ରତ୍ନ ଭଣ୍ଡାର ସମ୍ପର୍କରେ ଯାହା ଖବର ସାର୍ବଜନୀନ ହେବା କଥା ତାହା ଜଣାଯିବ । ଏଏସଆଇ ପ୍ରତିନିଧି କାଲି ସେଇଠି ରହିବେ ଯଦି ମରାମତି ପାଇଁ ସେମାନେ ଯାଞ୍ଚ କରି କହିବେ ତେବେ ଆମେ ସେ ପ୍ରତି ଧ୍ୟାନ ଦେବୁ। ଗତ ସରକାର ଅନେକ ଭୁଲଭାଲ କାମ କରିଥିଲେ, ଆମେ ସେ ବିଷୟରେ ଗୁରୁତ୍ୱ ଦେଉ ନାହୁଁ । ଆମେ ମହାପ୍ରଭୁଙ୍କ ଆଶୀର୍ବାଦ ନେଇ କାମ କରିବୁ । ସାପ ବାହାରିବା ଏକ ଅନ୍ଧ ବିଶ୍ୱାସ ବୋଲି କହିଛନ୍ତି ଆଇନମନ୍ତ୍ରୀ ।