ନୂଆଦିଲ୍ଲୀ: ଜର୍ମାନ ବୈଦେଶିକ ମନ୍ତ୍ରୀ ଜୋହାନ ୱେଡଫୁଲ କହିଛନ୍ତି ଯେ, ଆତଙ୍କବାଦ ବିରୁଦ୍ଧରେ ନିଜକୁ ରକ୍ଷା କରିବାର ସମ୍ପୂର୍ଣ୍ଣ ଅଧିକାର ଭାରତର ଅଛି। ଏହା ସହିତ ସେ ପହଲଗାମ ଆତଙ୍କବାଦୀ ଆକ୍ରମଣକୁ ମଧ୍ୟ ଦୃଢ଼ ନିନ୍ଦା କରିଛନ୍ତି।ସେ କହିଛନ୍ତି ଯେ, “୨୨ ଏପ୍ରିଲରେ ଭାରତରେ ହୋଇଥିବା ବର୍ବର ଆତଙ୍କବାଦୀ ଆକ୍ରମଣରେ ଆମେ ମର୍ମାହତ। ଆମେ ସାଧାରଣ ନାଗରିକଙ୍କ ଉପରେ ହୋଇଥିବା ଏହି ଆକ୍ରମଣକୁ ଦୃଢ଼ ନିନ୍ଦା କରୁଛୁ। ସମସ୍ତ ପୀଡିତ ଏବଂ ସେମାନଙ୍କ ପରିବାର ପ୍ରତି ଆମର ଗଭୀର ସମବେଦନା। ଉଭୟ ପାର୍ଶ୍ୱରେ ସାମରିକ ଆକ୍ରମଣ ପରେ, ଭାରତ ନିଶ୍ଚିତ ଭାବରେ ଆତଙ୍କବାଦ ବିରୁଦ୍ଧରେ ନିଜକୁ ରକ୍ଷା କରିବାର ସମ୍ପୂର୍ଣ୍ଣ ଅଧିକାର ରଖିଛି। “ଏବେ ଏକ ଯୁଦ୍ଧବିରତି କାର୍ଯ୍ୟକାରୀ ହୋଇଛି, ଏହାକୁ ଆମେ ବହୁତ ପ୍ରଶଂସା କରୁଛୁ। ବର୍ତ୍ତମାନ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଯୁଦ୍ଧବିରତି ସ୍ଥିର ରହିବା, ଯାହା ଫଳରେ ଉଭୟ ପକ୍ଷର ଗୁରୁତ୍ୱପୂର୍ଣ୍ଣ ସ୍ୱାର୍ଥକୁ ଧ୍ୟାନରେ ରଖି ସେହି ସଂଘର୍ଷର ଦ୍ୱିପାକ୍ଷିକ ସମାଧାନ ଖୋଜିବା ପାଇଁ ଆଲୋଚନା ହୋଇପାରିବ। ଜର୍ମାନୀ ଏବଂ ଭାରତ ବର୍ଷ ବର୍ଷ ଧରି ଆତଙ୍କବାଦ ବିରୋଧରେ ଲଢ଼େଇ ଉପରେ ନିୟମିତ ଆଲୋଚନାକୁ ପ୍ରୋତ୍ସାହିତ କରିଆସୁଛନ୍ତି ଏବଂ ଆମେ ଏହାକୁ ଆହୁରି ତୀବ୍ର କରିବାକୁ ଚାହୁଁଛୁ।
Comments are closed, but trackbacks and pingbacks are open.