ମୁମ୍ବାଇ: ଦୁଇ ସହଯୋଗୀ ଗିରଫ ହେବା ପରେ ଅତ୍ୟନ୍ତ ପ୍ରତିଶୋଧ ପରାୟଣ ହୋଇଯାଇଛି ଗ୍ୟାଙ୍ଗଷ୍ଟର ଗୋଲ୍ଡୀ ଢିଲନ। ଏଥିପାଇଁ ସେ ମେଗା ଷ୍ଟାର ଅମିତାଭ ବଚ୍ଚନ ଓ ପୁଅ ଅଭିଷେକଙ୍କୁ ସିଧା ହତ୍ୟା ଧମକ ଦେଇଛି।ନିକଟରେ ଦିଲ୍ଲୀ ପୁଲିସ୍ ଗୋଲ୍ଡୀର ଦୁଇ ସହଯୋଗୀଙ୍କୁ ଗିରଫ କରିଥିଲା। ଏମାନେ ଅମିତାଭ ବଚ୍ଚନଙ୍କୁ ହତ୍ୟା କରିବାକୁ ଚାହୁଁଥିଲେ। ଉଭୟ ଗିରଫ ହୋଇଥିଲେ ହେଁ ଅମିତାଭଙ୍କୁ ଟାର୍ଗେଟ କରିବାକୁ ସେ କରିଥିବା ଯୋଜନା କୌଣସି ପ୍ରକାରର ପ୍ରଭାବିତ ହୋଇ ନଥିବା ଗୋଲ୍ଡୀ କହିଛି। ସୋସିଆଲ ମିଡିଆ ପୋଷ୍ଟରେ ଗୋଲ୍ଡୀ ଚେତାବନୀ ଦେଇଛି ଯେ ବିକାଶ ଠାକୁର ଓ ଦୀପକ ସିଂହଙ୍କ ଗିରଫଦାରୀ ତା’ ଯୋଜନାରେ କୌଣସି ପ୍ରଭାବ ପକାଇ ନାହିଁ। ମୁମ୍ବାଇରେ ଏବେ ଗ୍ୟାଙ୍ଗର ୨୦୦ ଜଣ ସକ୍ରିୟ ରହିଛନ୍ତି।ଶିଖ ସଂପ୍ରଦାୟ ବିରୋଧରେ ମତ ରଖିବା ଲୋକଙ୍କୁ ଚେତାବନୀ ଦେବା ବେଳେ ସେ ଅମିତାଭ ଓ ଅଭିଷେକ ବଚ୍ଚନଙ୍କ ନାଁ ନେଇଥିଲା। ଏହାପରେ ବୁଲେଟଫ୍ରୁପ ଗ୍ଲାସ ମଧ୍ୟ ସେମାନଙ୍କୁ ରକ୍ଷା କରିପାରିବ ନାହିଁ ବୋଲି ସେ ଧମକ ଦେଇଛି। ତେବେ ଏପରି ସୋସିଆଲ ମିଡିଆରେ ସତ୍ୟାସତ୍ୟ ସମ୍ପର୍କରେ ଏଯାଏ ପୁଲିସ୍ କିଛି ବି କହି ନାହିଁ। କିଛି ଦିନ ତଳେ ଦିଲ୍ଲୀ ପୁଲିସ୍ର ସ୍ପେଶାଲ ସେଲ୍ ଲରେନ୍ସ ବିଷ୍ଣୋଇ ଗ୍ୟାଙ୍ଗ ଲିଙ୍କରେ ୨ ଜଣ ଶୁଟରଙ୍କୁ ଗିରଫ କରିଥିଲେ। ଏମାନେ ବଚ୍ଚନ ପରିବାର ରହୁଥିବା ମୁମ୍ବାଇ ସ୍ଥିତ ଜଲସାରେ ଗୁଳିମାଡ଼ କରିବା ପାଇଁ ଚାଲିଥିବା ଷଡ଼ଯନ୍ତ୍ରରେ ସାମିଲ ଥିବା ତଦନ୍ତକାରୀ ସଂସ୍ଥା ଆଶଙ୍କା କରିଛନ୍ତି। ଏହି ଗିରଫଦାରୀ ଦିଲ୍ଲୀର ଜଣେ ବ୍ୟବସାୟୀଙ୍କୁ ହତ୍ୟା କରିବା ପାଇଁ ହୋଇଥିବା ଷଡ଼ଯନ୍ତ୍ରର ପର୍ଦ୍ଦାଫାସ ମଧ୍ୟ କରିପାରିଛି। ଏହାପରେ ଢିଲନ ସୋଶାଲ ମିଡିଆରେ ପୋଷ୍ଟ କରି ୧୯୮୪ ମସିହା ଶିଖ ବିରୋଧୀ ଦଙ୍ଗା କଥା ଉଠାଇଛି। ତା’ କହିବା କଥା ଯେ ଉକ୍ତ ହିଂସା ପାଇଁ ଦାୟୀ କୌଣସି ଲୋକଙ୍କୁ ମଧ୍ୟ କେବେ ବି କ୍ଷମା କରାଯିବ ନାହିଁ। ସେହିପରି ଶିଖଙ୍କ ବିରୋଧରେ ଯିଏ ବି ବୟାନ ଦେବ, ତା’କୁ ମଧ୍ୟ ଉଚିତ ଜବାବ ଦିଆଯିବ।ହତ୍ୟା ଧମକ ଯୋଗୁ ଅମିତାଭ ଜଲସା ବହାରେ ନିଜର ଫ୍ୟାନ୍ସଙ୍କୁ ବୁଲେଟ ପ୍ରୁଫ ଗ୍ଲାସ ମଧ୍ୟରେ ରହି ଅନେକ ସମୟରେ ଭେଟୁଛନ୍ତି। ହେଲେ କାଚ ଗ୍ଲାସ ମଧ୍ୟରେ ରହିଲେ ମଧ୍ୟ ତାଙ୍କୁ ଗୁଳିମାଡ଼ କରାଯିବ ବୋଲି ଗୋଲ୍ଡୀ ଧମକ ଦେଇଛି।
Comments are closed, but trackbacks and pingbacks are open.