ନୂଆଦିଲ୍ଲୀ,୮।୫ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପକ୍ଷରୁ କଂଗ୍ରେସ ଉପରେ ହୋଇଥିବା କଡ଼ା ସମାଲୋଚନାକୁ ନେଇ ରାଜ୍ୟସଭା ଏମପି କପିଲ ସିବଲ ସୋମବାର ନିଜର ପ୍ରତିକ୍ରିୟା ଦେଇଛନ୍ତି। କର୍ନାଟକରେ ନିର୍ବାଚନ ପ୍ରଚାର ବେଳେ ପ୍ରଧାନମନ୍ତ୍ରୀ କଂଗ୍ରେସ ଦେଶକୁ ବିଭାଜନ କରୁଥିବା ଅଭିଯୋଗ କରିଥିଲେ। ଏହାର ଜବାବରେ ସିବଲ କହିଛନ୍ତି, ପ୍ରଧାନମନ୍ତ୍ରୀ କହିଛନ୍ତି କଂଗ୍ରେସ ରାଜ ପରିବାର ଚାହୁଁଛନ୍ତି, କର୍ନାଟକକୁ ଭାରତଠାରୁ ଅଲଗା କରାଯାଉ, କିନ୍ତୁ ମୋଦୀ ଜୀ, ଦେଶପାଇଁ ଗାନ୍ଧୀ ପରିବାର ସଦସ୍ୟ ଇନ୍ଦିରା ଗାନ୍ଧୀ, ରାଜୀବ ଗାନ୍ଧୀ ରକ୍ତ ବୁହାଇଛନ୍ତି।
ଏପରି ପରିସ୍ଥିତିରେ, ସେହି ତଥ୍ୟଗୁଡିକ ମଧ୍ୟ ଏନସିଇଆରଟି ବହିରୁ ଲିଭାଯିବ କି?
ପ୍ରଧାନମନ୍ତ୍ରୀ ରବିବାର ମହୀଶୂରରେ ଏକ ସାଧାରଣ ସଭାରେ ସମ୍ବୋଧିତ କରିଥିଲେ। ଯେଉଁଥିରେ ସେ କହିଥିଲେ, କଂଗ୍ରେସର ରାଜ ପରିବାର କର୍ନାଟକକୁ ଦେଶରୁ ଅଲଗା କରିବାକୁ ଚାହୁଁଛନ୍ତି। ଏଥି ସହିତ, ସେମାନେ ଏପରି କାର୍ଯ୍ୟ କରୁଛନ୍ତି ଯାହା ବାରମ୍ବାର ସାବଭୌମତ୍ୱକୁ ଅପମାନିତ କରୁଛି। ଏଭଳି ପରିସ୍ଥିତିରେ ସେମାନେ ରାଜ୍ୟର ସାର୍ବଭୌମତ୍ୱ ରକ୍ଷା କରିବାକୁ ଚାହୁଁଛନ୍ତି, ଏହା ହାସ୍ୟାସ୍ପଦ।
କଂଗ୍ରେସ ଦଳର ଅଫିସିଆଲ ଟୁଇଟର ହ୍ୟାଣ୍ଡେଲ ସୋମବାର ପୋଷ୍ଟ କରିଛି ସିପିପି ସଭାପତି ସୋନିଆ ଗାନ୍ଧୀ ୬,୫ କୋଟି କନ୍ନଡଭାଷାଭାଷୀଙ୍କୁ ଏକ ଶକ୍ତିଶାଳୀ ବାର୍ତ୍ତା ପଠାଇଛନ୍ତି। କର୍ନାଟକର ପ୍ରତିଷ୍ଠା, ସାର୍ବଭୌମତ୍ୱ କିମ୍ବା ଅଖଣ୍ଡତା ପ୍ରତି ବିପଦ ସୃଷ୍ଟି କରିବାକୁ କଂଗ୍ରେସ ଅନୁମତି ଦେବ ନାହିଁ। ଏହା ସହିତ ଦଳ ଭାଜପାର ଲୁଟ ଶେଷ କରିବ।
Comments are closed, but trackbacks and pingbacks are open.