କରୋନା ଟିକାର ଦ୍ୱିତୀୟ ଡୋଜ ଓ ବୁଷ୍ଟର ଡୋଜ ,କେତେଦିନ ମଧ୍ୟରେ ନେବେ ଜାଣନ୍ତୁ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୫ ଡିସେମ୍ବର ରେ ଦେଶ କୁ ସମ୍ବୋଧନ କରିବା ସମୟରେ କରୋନା ଯୋଦ୍ଧା ,ବରିଷ୍ଠ ନାଗରିକ ତଥା ଜଟିଳ ରୋଗରେ ପୀଡିତ ଲୋକମାନଙ୍କୁ ବୁଷ୍ଟର ଡୋଜ ଦିଆଯିବା କଥା କହିଥିଲେ । ହେଲେ ଟିକାର ଦ୍ୱିତୀୟ ଖୋରାକ ନେବାର କେତେଦିନ ପରେ ବୁଷ୍ଟର ଡୋଜ ଦିଆଯିବ ସେନେଇ ଏହାକୁ ନେଇ ଏବେ ମନ୍ଥନ ଚାଲିଛି । ଜାତୀୟ ଗଣମାଧ୍ୟମର ରିପୋର୍ଟ ମୁତାବକ କରୋନାର ଦ୍ୱିତୀୟ ଖୋରାକ ନେବାର ୯-୧୨ ମାସ ମଧ୍ୟରେ ବୁଷ୍ଟର ଡୋଜ ଦିଆଯିବା ନେଇ ସରକାର ଯୋଜନା କରୁଥିବା କଥା କୁହାଯାଇଛି । ଭାରତରେ କରୋନା ଟିକା ପ୍ରସ୍ତୁତକାରୀ କମ୍ପାନୀ କୋଭିସିଲ୍ଡ ଓ କୋଭାକ୍ସିନ ବର୍ତମାନ ଉପଯୋଗ ହେବାକୁ ଥିବା ଟିକାକୁ କରୋନା ଟିକାର ଦ୍ୱିତୀୟ ଖୋରାକ ନେବାର କେତେଦିନ ପରେ ଦିଆଯିବ ତାହା ଉପରେ ବି ମନ୍ଥନ ଚଳାଇଛନ୍ତି ।
କହିରଖୁ କି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ରାତିରେ ରାଷ୍ଟ୍ରକୁ ସମ୍ବୋଧନ କରି ୧୫-୧୮ ବର୍ଷର ପିଲାମାନଙ୍କୁ କରୋନା ଟିକା ଦିଆଯିବା ନେଇ ଘୋଷଣା କରିଛନ୍ତି । ସେ କହିଛନ୍ତି କି ଜାନୁଆରୀ ୩ ତାରିଖରୁ କିଶୋର ମାନଙ୍କ ପାଇଁ ଟିକାକରଣ ଅଭିଯାନ ଆରମ୍ଭ ହେବ । ହେଲେ କିଶୋରମାନଙ୍କୁ କେଉଁ କମ୍ପାନୀର ଟିକା ଦିଆଯିବ ସେନେଇ ପ୍ରଧାନମନ୍ତ୍ରୀ କିଛି କହି ନାହାଁନ୍ତି । ଅନ୍ୟପଟେ ୮୦ ବର୍ଷରୁ ଅଧିକ ବୟସ୍କ ଲୋକଙ୍କୁ ଜାନୁଆରୀ ୧୦ ତାରିଖରୁ ବୁଷ୍ଟର ଡୋଜ ଦିଆଯିବା ନେଇ ଘୋଷଣା କରିଛନ୍ତି ।