ଭୁବନେଶ୍ବର : ରାଜଧାନୀରେ ପୁଣି ଏକ ସଡ଼କ ଦୁର୍ଘଟଣାକୁ ନେଇ ଚିନ୍ତା ବଢ଼ିଛି। ଆମ ବସର ବିବାଦ ପିଛା ଛାଡୁନି । ମଞ୍ଚେଶ୍ୱର ଅଞ୍ଚଳରେ ଏକ ‘ଆମ ବସ’ ରଙ୍ଗ ରୁଟ୍ରେ ଆସି ବାପ-ଝିଅ ଯାଉଥିବା ଏକ ସ୍କୁଟିକୁ ଧକ୍କା ଦେଇଥିବା ଅଭିଯୋଗ ହୋଇଛି। ଘଟଣା ପରେ ସ୍ଥାନୀୟ ଅଞ୍ଚଳରେ କିଛି ସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା। ସୂଚନା ଅନୁସାରେ, ବାପା ନିଜ ଝିଅଙ୍କୁ ସ୍କୁଲରୁ ନେଇ ସ୍କୁଟିରେ ଘରକୁ ଫେରୁଥିବା ବେଳେ ମଞ୍ଚେଶ୍ୱର ଅଞ୍ଚଳରେ ଏହି ଦୁର୍ଘଟଣା ଘଟିଥିଲା। ଅଭିଯୋଗ ଅନୁଯାୟୀ, ‘ଆମ ବସ’ଟି ନିର୍ଦ୍ଧାରିତ ରାସ୍ତା ଛାଡ଼ି ରଙ୍ଗ ରୁଟ୍ରେ ଆସି ସ୍କୁଟିକୁ ଧକ୍କା ଦେଇଥିଲା। ଧକ୍କାରେ ବାପ-ଝିଅ ରାସ୍ତାରେ ପଡ଼ିଯାଇଥିଲେ। ସେମାନଙ୍କ ଆଘାତର ପରିମାଣ ସମ୍ପର୍କରେ ତୁରନ୍ତ ସ୍ପଷ୍ଟ ସୂଚନା ମିଳିନଥିଲେ ମଧ୍ୟ, ସ୍ଥାନୀୟ ଲୋକେ ଉଭୟଙ୍କୁ ସହାୟତା କରିଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା ଏବଂ ଦୁର୍ଘଟଣାର କାରଣ ସମ୍ପର୍କରେ ତଦନ୍ତ ଆରମ୍ଭ କରିଛି। ବସଟି ପ୍ରକୃତରେ କିପରି ରଙ୍ଗ ରୁଟ୍କୁ ଆସିଲା ଏବଂ ଦୁର୍ଘଟଣା ପଛରେ ଅବହେଳା ରହିଛି କି ନାହିଁ, ସେନେଇ ପୁଲିସ ତଦନ୍ତ କରୁଛି।
Comments are closed, but trackbacks and pingbacks are open.