ଜାତୀୟ ଶିକ୍ଷା ନୀତି ପ୍ରସ୍ତୁତ କରିବାରେ ଡକ୍ଟର କେ କସ୍ତୁରୀରଙ୍ଗନଙ୍କ ଭୂମିକା ତାଙ୍କର ତୀକ୍ଷ୍ମ କଳ୍ପନାର ପ୍ରତିଫଳନ – ଧର୍ମେନ୍ଦ୍ର ପ୍ରଧାନ

ଡକ୍ଟର କେ କସ୍ତୁରୀରଙ୍ଗନଙ୍କ ବିୟୋଗ କେବଳ ବିଶ୍ୱ ବୈଜ୍ଞାନିକ ଓ ଶୈକ୍ଷିକ ସମୁଦାୟ ପାଇଁ ନୁହେଁ, ବରଂ ମୋ ପାଇଁ ଏକ ବ୍ୟକ୍ତିଗତ କ୍ଷତି

ଭୁବନେଶ୍ୱର : ଏପ୍ରିଲ ୨୫- କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ)ର ପୂର୍ବତନ ଅଧ୍ୟକ୍ଷ ତଥା ଜାତୀୟ ଶିକ୍ଷା ନୀତିର ଶିଳ୍ପୀକାର ପଦ୍ମବିଭୂଷଣ ଡକ୍ଟର କେ କସ୍ତୁରୀରଙ୍ଗନଙ୍କ ବିୟୋଗରେ ଗଭୀର ଶୋକପ୍ରକାଶ କରିଛନ୍ତି ।

ଶ୍ରୀ ପ୍ରଧାନ ଶୋକବାର୍ତ୍ତାରେ କହିଛନ୍ତି ଯେ ତାଙ୍କର ବିୟୋଗ କେବଳ ବିଶ୍ୱ ବୈଜ୍ଞାନିକ ଓ ଶୈକ୍ଷିକ ସମୁଦାୟ ପାଇଁ ନୁହେଁ, ବରଂ ମୋ ପାଇଁ ଏକ ବ୍ୟକ୍ତିଗତ କ୍ଷତି । ମୋ ପାଇଁ ସେ ଜଣେ ପରାମର୍ଶଦାତା ଠାରୁ ବହୁତ ଅଧିକ ଥିଲେ । ବର୍ଷ ବର୍ଷ ଧରି ତାଙ୍କ ସ୍ନେହ, ଆଶୀର୍ବାଦ ଏବଂ ମାର୍ଗଦର୍ଶନ ପାଇଥିବାରୁ ମୁଁ ନିଜକୁ ପ୍ରକୃତରେ ଭାଗ୍ୟବାନ ମନେ କରୁଛି ।

ଡକ୍ଟର କସ୍ତୁରୀରଙ୍ଗନ ଜୀ ଥିଲେ ଜଣେ ବୁଦ୍ଧିଜୀବୀ ଏବଂ ଜଣେ ପ୍ରକୃତ କର୍ମଯୋଗୀ – ଜଣେ ଦୂରଦର୍ଶୀ, ଯାହାଙ୍କ ଅବଦାନ ଆଧୁନିକ ଭାରତର ବୈଜ୍ଞାନିକ, ଶିକ୍ଷାଗତ ଏବଂ ନୀତି କ୍ଷେତ୍ରର ସ୍ଥାପତ୍ୟକୁ ଆକାର ଦେଇଥିଲା । ସେ କେବଳ ଜଣେ ପ୍ରତିଭାଶାଳୀ ବୈଜ୍ଞାନିକ କିମ୍ବା ଜଣେ ପ୍ରସିଦ୍ଧ ନୀତି ନିର୍ମାତା ନୁହଁନ୍ତି; ଶବ୍ଦର ସବୁ ଅର୍ଥରେ ସେ ଜଣେ ରାଷ୍ଟ୍ର ନିର୍ମାତା ଥିଲେ।ଜାତୀୟ ଶିକ୍ଷାନୀତି ୨୦୨୦ ପ୍ରସ୍ତୁତ କରିବାରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ତାଙ୍କ ଦୂରଦୃଷ୍ଟିର ଏକ ସ୍ଥାୟୀ ପ୍ରମାଣ । ତାଙ୍କର ବୁଦ୍ଧି, ଦୃଢ଼ ନେତୃତ୍ୱ ଏବଂ ଦେଶ ପ୍ରତି ତାଙ୍କର ନିଃସ୍ୱାର୍ଥପର ସେବା ପାଇଁ ଭାରତ ସର୍ବଦା ଋଣୀ ରହିବ । ଶ୍ରୀ ପ୍ରଧାନ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି ।