ରାଜ୍ୟଗୋଷ୍ଠୀ କ୍ରୀଡା -୨୦୨୨ : ୫୦ କିଲୋ ବର୍ଗ ବକ୍ସିଂ ରେ ଭାରତ ର ନିଖତ ଜରିନଙ୍କୁ ସ୍ୱର୍ଣ୍ଣ ପଦକ

ବର୍ମିଙ୍ଗହାମ: ରାଜ୍ୟଗୋଷ୍ଠୀ କ୍ରୀଡା ୨୦୨୨ରେ ଭାରତୀୟ ବକ୍ସିଂ କୁ ଆଉ ଏକ ସଫଳତା I ଭାରତୀୟ ବକ୍ସର ନିଖତ ଜରିନ ୫୦ କିଲୋ ବର୍ଗରେ ସ୍ବର୍ଣ୍ଣ ପଦକ ହାସଲ କରିଛନ୍ତି । ନର୍ଦ୍ଦନ ଆଇଲାଣ୍ଡର ଏମସି ନୌଲଙ୍କୁ ପରାସ୍ତ କରି ଭାରତ ପାଇଁ ୧୭ ତମ ସ୍ୱର୍ଣ୍ଣ ପଦକ ଜିତିଛନ୍ତି । ନିଖତ ୫-୦ରେ ନର୍ଦ୍ଦନ ଆଇଲାଣ୍ଡର ଏମସି ନୌଲଙ୍କୁ ପରାସ୍ତ କରିଥିବା ବେଳେ ଦ୍ୱିତୀୟ ଥର ପାଇଁ ନୌଲ ରୌପ୍ୟ ପଦକରେ ସନ୍ତୁଷ୍ଟ ହୋଇଛନ୍ତି । ପୂରା ମ୍ୟାଚରେ ନିଖତ ଶକ୍ତିଶାଳୀ ପଞ୍ଚ ମାରି ଦବଦବା ଜାହିର କରିଥିଲେ । ଶେଷରେ ବିଚାରକ ନିଖତଙ୍କ ସପକ୍ଷରେ ମତ ଦେଇଥିଲେ । ୨୬ ବର୍ଷୀୟ ନିକହତ ଚଳିତ ବର୍ଷ ମେ ମାସରେ ବିଶ୍ଵ ଚାମ୍ପିଅନ ହୋଇଥିଲେ। ଏବେ ନିଜର ପଦାର୍ପଣ ରାଜ୍ୟଗୋଷ୍ଠୀ କ୍ରୀଡାରେ ସ୍ଵର୍ଣ୍ଣ ପଦକ ଜିତି ରେକର୍ଡ କରିଛନ୍ତି।