କମେଡି କିଙ୍ଗ କପିଲ ଶର୍ମାଙ୍କ ଫିଲ୍ମରେ ଓଡିଆ ପୁଅଙ୍କ କମାଲ । ବଲିଉଡ ଫିଲ୍ମ ‘ଜ୍ବିଗାଟୋ’ରେ ନଜର ଆସିବେ କଟକର ପ୍ରଜ୍ଜଳ ସାହୁ । କପିଲଙ୍କ ପୁଅ ଭୂମିକାରେ ନଜର ଆସିବେ ପ୍ରଜ୍ଜଳ । ଆସନ୍ତାକାଲି ରିଲିଜ ହେବାକୁ ଯାଉଛି କନିଲ ଶର୍ମା ଅଭିନୀତ ଫିଲ୍ମ ଜ୍ୱିଗାଟୋ। ଯେଉଁଥିରେ ଚାକିରି ଛାଡ଼ିଥିବା ଜଣେ କର୍ମଚାରୀ କିଭଳି ଏକ ଫୁଡ୍ ଡେଲିଭରି ରାଇଡର ଭାବରେ ବଞ୍ଚିବାକୁ ସଂଘର୍ଷ କରିଛନ୍ତି ଏବଂ ରେଟିଂସ କିଭଳି ତାଙ୍କ ପାଇଁ ଖୁବ୍ ଗୁରୁତ୍ୱ ତାହା ଏହି ଚଳଚ୍ଚିତ୍ର ମାଧ୍ୟମରେ ଦେଖିବାକୁ ମିଳିବ ।
ଫିଲ୍ମର କାହାଣୀ ଜଣେ ଡେଲିଭରୀ ବୟ ଉପରେ ଆଧାରିତ । ଖରାପ ଆର୍ଥିକ ପରିସ୍ଥିତି ସହିତ କିଭଳି ଏକ ପରିବାର ଲଢ଼ୁଛି ତାହା ଉପରେ ଏହି କାହାଣୀ ପର୍ଯ୍ୟବସିତ । ତେବେ ଏଥିରେ କଟକର ୧୩ ବର୍ଷର ଓଡ଼ିଆ ପୁଅ ପ୍ରଜ୍ଜଳ ସାହୁ ବଲିଉଡରେ ଡେବ୍ୟୁ କରିଛନ୍ତି । ଯାହା ନିହାତି ଭାବରେ ଓଡ଼ିଶା ପାଇଁ ଗର୍ବ ଓ ଗୌରବ । ପ୍ରଜ୍ୱଳ ସାହୁ ଜଣେ ଜଣାଶୁଣା ଉଦ୍ୟୋଗପତି ଶରତ ସାହୁଙ୍କ ନାତି ।
ତାଙ୍କ ବାପା ଅରବିନ୍ଦ ସାହୁ ଓ ମା’ ସାଲିନୀ ସାହୁ ମଧ୍ୟ ଓଡ଼ିଶା ବ୍ୟବସାୟ ଜଗତର ଜଣାଶୁଣା ବ୍ୟକ୍ତି । କପିଲଙ୍କ ପୁଅ ଭୁମିକାରେ ନଜର ଆସିବେ ପ୍ରଜ୍ବଳ ।
Comments are closed, but trackbacks and pingbacks are open.