ଉତ୍ତର-ପୁର୍ବାଞ୍ଚଳରେ ଆତଙ୍କବାଦୀଙ୍କୁ ଅସ୍ତ୍ର ଯୋଗାଉଛି ଚୀନ୍ : ଭାରତ ରେ ଶାନ୍ତି ଭଙ୍ଗ କରିବା ଉଦ୍ଦେଶ୍ୟ
ଗତ ନଭେମ୍ବର ୧୩ ଶନିବାର ଦିନ ମଣିପୁରରେ ଆସାମ ରାଇଫଲ୍ସ ସେନା କର୍ମଚାରୀଙ୍କ ଉପରେ ହୋଇଥିବା ଆକ୍ରମଣ ପାଇଁ ପିଏଲଏ (ପିପୁଲ୍ସ ଲିବରେସନ୍ ଆର୍ମି) ନିଜକୁ ଦାୟୀ କରିଛି । ଏହି ସନ୍ତ୍ରାସବାଦୀ ଆକ୍ରମଣରେ ଜଣେ କର୍ଣ୍ଣେଲଙ୍କ ପରିବାର ସମେତ ୭ ଜଣଙ୍କର ମୃତ୍ୟୁ ଘଟିଛି। ସେନା କନଭେନ ଉପରେ ହୋଇଥିବା ଆକ୍ରମଣରେ ୧୫ ରୁ ଅଧିକ ପିଏଲଏ କ୍ୟାଡର ସମ୍ପୃକ୍ତ ଥିଲେ, ଯେଉଁମାନେ କନଭେନ ଉପରେ IED ବିସ୍ଫୋରଣ କରିଥିଲେ।
ସୁରକ୍ଷା ଏଜେନ୍ସିର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଉତ୍ତର ପୂର୍ବକୁ ଅଶାନ୍ତ କରିବା ପାଇଁ ଏକ ବଡ ଷଡଯନ୍ତ୍ର ରଚିଛି ଏବଂ ଚୀନ୍ I ଚୀନ ଦ୍ୱାରା ନିର୍ମିତ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ବହୁ ପରିମାଣରେ ଆତଙ୍କବାଦୀଙ୍କ ନିକଟରେ ପହଞ୍ଚୁଛି। ବିଶେଷଜ୍ଞଙ୍କ ଅନୁଯାୟୀ, ସନ୍ତ୍ରାସବାଦୀ ଗୋଷ୍ଠୀ ପିଏଲଏ ଚୀନ୍ ସେନାର ଅତି ନିକଟତର ଅଟନ୍ତି । କେନ୍ଦ୍ରୀୟ ନିରାପତ୍ତାରେ ପୋଷ୍ଟ କରାଯାଇଥିବା ଜଣେ ଅଧିକାରୀଙ୍କ ଅନୁଯାୟୀ, ପିଏଲଏ ରେ ପ୍ରାୟ ୬୦୦ -୭୦୦ ସଶସ୍ତ୍ର ସନ୍ତ୍ରାସବାଦୀ ଅଛନ୍ତି। ଭାରତ-ମିଆଁମାର ନିକଟରେ ଥିବା ମିଆଁମାର ଅଞ୍ଚଳରେ ସେମାନଙ୍କର ଶିବିର ରହିଛି। ଯେତେବେଳେ ବି ସେନା ଏହି ଗୋଷ୍ଠୀ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତି, ସମସ୍ତେ ମିଆଁମାର ସୀମାରେ ପ୍ରବେଶ କରନ୍ତି
ମିଆଁମାରରେ ରହିଛି ଚାଇନିଜ୍ ହେଡ କ୍ୱାର୍ଟର୍ସ
ମିଆଁମାର-ଚୀନ୍ ସୀମା ନିକଟ ରୁଇଲିରେ ଲୁଚି ରହିଥିବା ଉଗ୍ରବାଦୀ ଦଳ (ULFA) ର ନେତା ପରେଶ ବରୁଆଙ୍କ ସହାୟତାରେ ଉତ୍ତର ପୂର୍ବର ସନ୍ତ୍ରାସବାଦୀ ଗୋଷ୍ଠୀକୁ ଚୀନ୍ ଦ୍ୱାରା ଅସ୍ତ୍ର ବିତରଣ କରାଯାଉଛି। ଏକ ଜାତୀୟ ଗଣମାଧ୍ୟମ କୁ ମିଳିଥିବା ସୂଚନା ଅନୁଯାୟୀ, ମିଆଁମାରର ୟାଙ୍ଗୋନ୍, ମଣ୍ଡେଲା, ସାଗିଙ୍ଗରେ ପିଏଲଏ ର ହେଡ କ୍ୱାର୍ଟର୍ସ ଅଛି | ମିଆଁମାରର ୱା ଅଞ୍ଚଳରୁ ମିଆଁମାର ଏବଂ ଚୀନ୍ ନିକଟରେ ଏହି ସନ୍ତ୍ରାସବାଦୀ ଗୋଷ୍ଠୀ କାର୍ଯ୍ୟ କରୁଛି। ଚୀନ୍ ଠାରୁ ଉତ୍ତର ପୂର୍ବକୁ କ୍ରମାଗତ ଭାବରେ ଅସ୍ତ୍ରଶସ୍ତ୍ର ଯୋଗାଣ କରୁଛନ୍ତି ଏହି ବିଦ୍ରୋହୀ ଗୋଷ୍ଠୀ I
