ବୃକ୍ଷ ରୋପଣ ଉପରେ କେନ୍ଦ୍ର ସରକାରଙ୍କ ସବସିଡି : ୨୦ ହଜାର ନିବେଶରେ ମାସକୁ କମାନ୍ତୁ ୩.୫ ଲକ୍ଷ

ଏହି ଗଛର ଚାଷ କରିବା ପାଇଁ ଶୁଦ୍ଧ ପାଣି, ମଟାଳ ମାଟି, ମାଟି ବା କାଚର କୁଣ୍ଡ, ୧୦୦ରୁ ୧୫୦ ବର୍ଗଫୁଟର ସେଡ୍ ଥିବା ସ୍ଥାନ, ମାଙ୍କଡା ପଥର ବା କାଚବାଟି, ପତଳା ତାର ଏବଂ ସ୍ପ୍ରେ ବଟଲ ଆବଶ୍ୟକ । ଏହି ସମସ୍ତ ଜିନିଷରେ ୫ ହଜାର ଯାଏଁ ଖର୍ଚ୍ଚ ଆସିବ । ଏହାକୁ ବଢାଇବାକୁ ଚାହିଁଲେ ୨୦ ହଜାର ପର୍ଯ୍ୟନ୍ତ ଖର୍ଚ୍ଚ ହୋଇପାରେ । ଏହି ବୋନସାଇ ଗଛ ବଢିବାକୁ ୩-୫ ବର୍ଷ ସମୟ ନେଇଥାଏ । ୩ ବର୍ଷ ପାଇଁ ଗୋଟିଏ ଗଛରେ ଆନୁମାନିକ ଭାବରେ ୨୪୦ ଟଙ୍କା ଖର୍ଚ୍ଚ ହୋଇଥାଏ । ନର୍ଥଇଷ୍ଟକୁ ଛାଡିଲେ ବାକି ସମସ୍ତ ରାଜ୍ୟରେ ୫୦ ପ୍ରତିଶତ ସବସିଡି ପ୍ରଦାନ କରାଯାଉଛି । ଏହି ସବସିଡିର ୬୦ ପ୍ରତିଶତ କେନ୍ଦ୍ର ସରକାର ଏବଂ ୪୦ ପ୍ରତିଶତ ରାଜ୍ୟ ସରକାର ବହନ କରନ୍ତି ।
ଏକ ହେକ୍ଟର ଜମିରେ ପ୍ରାୟ ୧୫୦୦ରୁ ୨୫୦୦ ଗଛ ଲଗାଯାଇପାରିବ । ପ୍ରତି ୨.୫ ମିଟର ଦୂରତାରେ ଗୋଟିଏ ଗଛ ଲଗା ଯାଉଥିବାରୁ ଏହା ମଝିରେ ଅନ୍ୟ ଫସଲ ମଧ୍ୟ ଚାଷ କରାଯାଇପାରିବ । ୩-୪ ବର୍ଷ ମଧ୍ୟରେ ଏହି ଗଛ ବିକ୍ରିରୁ ପ୍ରାୟ ୩ରୁ ୩.୫ ଲକ୍ଷ ଟଙ୍କା ଆୟ କରିହେବ । ଏହା ସହିତ ବିକ୍ରି ଗଛ ସ୍ଥାନରେ ନୂତନ ଗଛ ଲଗାଯାଇ ପାରିବ ।
ନ୍ୟୁୟର୍କ: ଗଞ୍ଜେଇକୁ ସମସ୍ତେ ନିଶା ଭାବେ ବିବେଚନା କରିନ୍ତି। ହେଲେ ଏହାର ଅନେକ ଔଷଧୀୟ ଗୁଣ ରହିଛି। ଅନେକ ଦେଶ ଗଞ୍ଜେଇ ଚାଷ ଓ ଉତ୍ପାଦନକୁ ମଧ୍ୟ ଅନୁମତି ଦିଆଯାଇଛି। ଏସବୁ ଭିତରେ ଗଞ୍ଜେଇରେ ଥିବା କିଛି ଉପାଦନ ମହାମାରୀ କରୋନା ବିରୋଧରେ ଫଳପ୍ରଦ ହେଉଥିବା ଗବେଷଣାରୁ ଜଣାପଡ଼ିଛି। ଆମେରିକୀୟ ଗବେଷକମାନେ ଜାଣିବାକୁ ପାଇଛନ୍ତି ଯେ ଗଞ୍ଜେଇରେ ଥିବା କାନାବିନଏଡ୍ ଏସିଡ୍ କୋଭିଡ-୧୯ ସୃଷ୍ଟି କରୁଥିବା ସାର୍ସ-କୋଭ୍-୨ ଭୂତାଣୁକୁ ମଣିଷର କୋଷରେ ପ୍ରବେଶ କରିବାକୁ ଦିଏନାହିଁ।
ଗଞ୍ଜେଇ ହେଉଛି ଫାଇବରର ଉତ୍ସ। ମଣିଷ ଓ ପଶୁର ଖାଦ୍ୟ ପାଇଁ ଏହା ବ୍ୟବହୃତ ହୋଇଥାଏ। ଏହାକୁ କସମେଟିକ, ବଡି ଲୋସନ, ଡାଏଟାରୀ ସପ୍ଲିମେଣ୍ଟ ଓ ଖାଦ୍ୟରେ ସାମିଲ କରାଯାଏ ବୋଲି ଆମେରିକାର ଓରେଗନ୍ ଷ୍ଟେଟ୍ ବିଶ୍ୱବିଦ୍ୟାଳୟର ଗବେଷକ ରିଚାର୍ଡ ଭାନ ବ୍ରେମେନ କହିଛନ୍ତି।
ଗବେଷଣା କରୁଥିବା ଟିମ୍ ଜାଣିବାକୁ ପାଇଛନ୍ତି ଯେ କାନନାବିନଏଡ୍ ଏସିଡ SARS-CoV-2 ସ୍ପାଇକ୍ ପ୍ରୋଟିନରେ ବାନ୍ଧି ହୋଇ ଏହି ଭୂତାଣୁକୁ ସଂକ୍ରମିତ କରିବା ଦିଗରେ ପ୍ରତିବନ୍ଧକ ସାଜିଥାଏ। ଏହି ଗବେଷଣା ରିପୋର୍ଟ ଜର୍ଣ୍ଣାଲ ଅଫ ନ୍ୟାଚୁରାଲ ପ୍ରଡକ୍ଟରେ ପ୍ରକାଶ ପାଇଛି।
କାନାବିଗେରୋଲିକ୍ ଏସିଡ୍ ବା CBGA, କାନାବିଡିଓଲିକ୍ ଏସିଡ୍ ବା CBDA ଓ ସ୍ପାଇକ୍ ପ୍ରୋଟିନ୍ ହେଉଛି ସମାନ ଔଷଧ, ଯାହା କୋଭିଡ ବିରୋଧୀ ଟିକା ଏବଂ ଆଣ୍ଟିବଡି ଥେରାପିରେ ବ୍ୟବହୃତ ହୁଏ।
ରିଚାର୍ଡ ଭାନ ବ୍ରେମେନ କହିଛନ୍ତି ଯେ ହେମ୍ପରେ ପ୍ରଚୁର ପରିମାଣର କାନାବିନଏଡ୍ ଏସିଡ୍ ରହିଥାଏ। ସେଗୁଡ଼ିକ ଗଞ୍ଜେଇରେ ଥିବା ସାଇକୋଆକ୍ଟିଭ୍ ଉପାଦାନ THC ପରି ନିୟନ୍ତ୍ରିତ ପଦାର୍ଥ ନୁହନ୍ତି। ଏହାର ଅର୍ଥ ଏହା ଲୋକମାନଙ୍କୁ ଭଲ ସୁରକ୍ଷା ଯୋଗାଇ ଦେଇପାରେ। ଆମ ଅନୁସନ୍ଧାନରୁ ଜଣାପଡିଛି ଯେ ହେମ୍ପ ଉପାଦନଗୁଡ଼ିକ SARS-CoV-2ର ସବୁ ଭ୍ୟାରିଏଣ୍ଟ ବିରୋଧରେ ସମାନ ଭାବରେ ପ୍ରଭାବଶାଳୀ ହେଉଛି। ପୂର୍ବରୁ ଏହା ଆଲଫା ଓ ବିଟା ଭାରିଆଣ୍ଟ ବିରୋଧରେ ସୁରକ୍ଷା ଦେଉଥିବା ଜଣାପଡ଼ିଥିଲା।
ଲ୍ୟାବ ଟେଷ୍ଟରୁ ଜଣାପଡ଼ିଛି ଯେ କାନାବିଗେରୋଲିକ୍ ଏସିଡ୍ ଓ କାନାବିଡିଓଲିକ୍ ଏସିଡ୍ କରୋନା ଭାଇରସ ଦ୍ୱାରା ସଂକ୍ରମିତ ହେଉଥିବା ଏପିଏଥେଲିଆ ସେଲର ସଂକ୍ରମଣକୁ ରୋକିଥାଏ। ଏଥିସହ କୋଷରେ ସାର୍ସ କୋଭ-୨ର ପ୍ରବେଶକୁ ରୋକିଥାଏ। ଏହି ଉପାଦନକୁ ପାଟି ଯୋଗେ ନିଆଯାଇ ପାରିବ ଓ ଏହା ସୁରକ୍ଷିତ ବୋଲି ଦୀର୍ଘ ଦିନରୁ ପ୍ରମାଣିତ ହୋଇ ଆସିଛି। ଏହା କେବଳ ସଂକ୍ରମଣକୁ ରୋକିବ ନାହିଁ ବରଂ ସାର୍ସ କୋଭ-୨ର ଚିକିତ୍ସାରେ ମଧ୍ୟ ବ୍ୟବହୃତ ହୋଇପାରିବ। ଗଞ୍ଜେଇ ଗଛରୁ ହିଁ CBDA and CBGA ଉତ୍ପାଦିତ ହୋଇଥାଏ।