ବ୍ରଜରାଜନଗର ଉପନିର୍ବାଚନ ଗଣତି ଆରମ୍ଭ : ଆଗରେ ବିଜେଡି

ଆଜି ସକାଳ ୮ ରୁ ଆରମ୍ଭ ହୋଇଛି ବ୍ରଜରାଜନଗର ଉପନିର୍ବାଚନ ଭୋଟ ଗଣତି I ଏହି ସିଟ ରେ ତ୍ରିମୁଖୀ ଲଢେଇ ହୋଇଥିଲା I ବିଜେଡିର ଅଳକା ମହାନ୍ତି, ବିଜେପିର ରାଧାରାଣୀ ପଣ୍ଡା ଓ କଂଗ୍ରେସର କିଶୋର ପଟେଲ ଙ୍କ ମଧ୍ୟରେ ଜୋରଦାର ଟକ୍କର ହେବାକୁ ଯାଉଛି I ତେବେ ବ୍ରଜରାଜନଗର ରେ କିଏ ବାଜି ଜିତିବା ନେଇ ସମସ୍ତଙ୍କ ନଜର ରହିଥିଲେ ମଧ୍ୟ ,ପ୍ରାରମ୍ଭିକ ଭୋଟ ଗଣତିରେ,ବିଜେଡି ଆଗୁଆ ରହିଛି I ବିଜେଡିର ଅଳକା ମହାନ୍ତିଙ୍କୁ ପ୍ରଥମ ରାଉଣ୍ଡ କାଉଣ୍ଟିଂ ସୁଦ୍ଧା ୪୭୩୩ ଭୋଟ ମିଳିଥିବା ବେଳେ ବିଜେପିର ରାଧାରାଣୀ ପଣ୍ଡାଙ୍କୁ ୧୧୪୪ ଓ କଂଗ୍ରେସର କିଶୋର ପଟେଲଙ୍କୁ ମିଳିଛି ୧୦୧୪ ଭୋଟ । ବ୍ରଜରାଜନଗର ଉପନିର୍ବାଚନ ପାଇଁ ଝାରସୁଗୁଡ଼ା ଇଞ୍ଜିନିୟରିଂ ସ୍କୁଲ ପରିସରରେ ଗଣତି ପାଇଁ ୧୪ଟି ଟେବୁଲ କରାଯାଇଛି । ୨୦ ରାଉଣ୍ଡ ଗଣତି ହେବ। ପ୍ରତି ଟେବୁଲରେ ୪ଜଣ କାଉଣ୍ଟିଂ ଅଫିସର ରହିବେ। ଭୋଟ ଗଣତି ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି।