ଲକ୍ଷ୍ନୌ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶନିବାର ଲକ୍ଷ୍ନୌ ସ୍ଥିତ ବ୍ରହ୍ମୋସ୍ ଏରୋସ୍ପେସ୍ ୟୁନିଟରେ ନିର୍ମିତ ବ୍ରହ୍ମୋସ୍ କ୍ଷେପଣାସ୍ତ୍ରର ପ୍ରଥମ ବ୍ୟାଚ୍କୁ ପତାକା ଦେଖାଇ ଶୁଭାରମ୍ଭ କରିଛନ୍ତି। ଏହି ଦିନଟି କେବଳ ଉତ୍ତର ପ୍ରଦେଶ ପ୍ରତିରକ୍ଷା ଶିଳ୍ପ କରିଡର (UPDIC) ପାଇଁ ଏକ ମାଇଲଖୁଣ୍ଟ ପ୍ରମାଣିତ ହେବ ନାହିଁ ବରଂ ପ୍ରତିରକ୍ଷା ଉତ୍ପାଦରେ ଆତ୍ମନିର୍ଭରଶୀଳ ହେବାର ଭାରତର ସଂକଳ୍ପକୁ ନୂତନ ଶକ୍ତି ମଧ୍ୟ ଦେବ। ବିଶ୍ୱର ସବୁଠାରୁ ଦ୍ରୁତ ଏବଂ ଘାତକ ବ୍ରହ୍ମୋସ୍ ସୁପରସୋନିକ୍ କ୍ଷେପଣାସ୍ତ୍ର ପ୍ରଣାଳୀର ନିର୍ମାତା ବ୍ରହ୍ମୋସ୍ ଏରୋସ୍ପେସ୍ ଲକ୍ଷ୍ନୌରେ ଥିବା ଏହାର ନୂତନ ସମନ୍ୱୟ ଏବଂ ପରୀକ୍ଷଣ ସୁବିଧାରୁ କ୍ଷେପଣାସ୍ତ୍ରର ପ୍ରଥମ ବ୍ୟାଚ୍ ଉତ୍ପାଦନ କରିଛି। ଏହି ଅତ୍ୟାଧୁନିକ ୟୁନିଟ୍ ମେ ୧୧ ତାରିଖରେ ଉଦଘାଟନ ପରେ ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇଥିଲା।ବ୍ରହ୍ମୋସ ୟୁନିଟରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଥିଲେ ଯେ, ଯଦି ଭାରତ ପାକିସ୍ତାନକୁ ଜନ୍ମ ଦେଇଛି, ତେବେ ସମୟ ଆସିଲେ ଆଉ କ’ଣ କରିପାରିବ ତାହା ବ୍ୟାଖ୍ୟା କରିବାର ଆବଶ୍ୟକତା ନାହିଁ। ପାକିସ୍ତାନର ପ୍ରତ୍ୟେକ ଇଞ୍ଚ ଅଞ୍ଚଳ ବ୍ରହ୍ମୋସର ପରିସର ମଧ୍ୟରେ ଅଛି। ଅପରେସନ ସିନ୍ଦୁର କେବଳ ଏକ ଟ୍ରେଲର ଥିଲା।
Comments are closed, but trackbacks and pingbacks are open.