ମୁମ୍ବାଇ: ବଲିଉଡ ନାୟିକା ପରିଣୀତି ଚୋପ୍ରା ଏବଂ ଆମ୍ ଆଦମୀ ପାର୍ଟି ସାଂସଦ ରାଘବ ଚଢ଼ାଙ୍କ ବାହାଘର ଆଗାମୀ ୨୪ ତାରିଖରେ ଅନୁଷ୍ଠିତ ହେଉଛି। ଏଥିଲାଗି ସନ୍ଧ୍ୟାରେ ରିସେପସନ୍ ପାର୍ଟି ମଧ୍ୟ ରଖାଯାଇଛି। ବାହାଘର ପାଇଁ ଉଭୟ ବରକନ୍ୟା ଉଦୟପୁରରେ ପହଞ୍ଚିସାରିଛନ୍ତି। ଏହି ବିବାହ ଉତ୍ସବରେ ଉଭୟଙ୍କର ବହୁ ବନ୍ଧୁବାନ୍ଧବ ସାମିଲ ହେବେ, ହେଲେ ପରିଣୀତିଙ୍କ ବଡ଼ ଭଉଣୀ ପ୍ରିୟଙ୍କା ଚୋପ୍ରା ଏଥିରେ ଯୋଗ ଦେଉନଥିବା ଚର୍ଚ୍ଚା ହେଉଛି।
ପ୍ରିୟଙ୍କା ଚୋପ୍ରା ଜୋନାସ ବିବାହର ଗୋଟିଏ ଦିନ ପୂର୍ବରୁ ତାଙ୍କ ସମ୍ପର୍କୀୟ ଭଉଣୀ ପରିଣୀତି ଚୋପ୍ରାଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ପୋଷ୍ଟରୁ ଜଣାପଡ଼ିଛି ଯେ ପ୍ରିୟଙ୍କା ବିବାହ ଉତ୍ସବରେ ସାମିଲ ହେବା ପାଇଁ ଉଦୟପୁର ଆସିବେ ନାହିଁ। କାରଣ ସେ ବର୍ତ୍ତମାନ ଆମେରିକାର ଲସ୍ ଆଞ୍ଜେଲସରେ ଅଛନ୍ତି। ପ୍ରିୟଙ୍କା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପରିଣୀତିଙ୍କ ଏକ ଚିତ୍ର ପୋଷ୍ଟ କରିଛନ୍ତି। ଫଟୋରେ ପରିଣୀତି ଖୁସି ଅନୁଭବ କରୁଥିଲେ। ଏଥିସହିତ ପ୍ରିୟଙ୍କା ଲେଖିଛନ୍ତି, ମୁଁ ଆଶା କରେ ତୁମେ ଖୁସି ଏବଂ ସନ୍ତୁଷ୍ଟ। ଏହା ତୁମର ବଡ଼ ଦିନରେ ଛୋଟ କଥା। ସବୁବେଳେ ତୁମକୁ ବହୁତ ପ୍ରେମ କାମନା କରୁଛି। ଏହାପୂର୍ବରୁ ଖବର ପାଇଥିଲା ଯେ ପ୍ରିୟଙ୍କା ତାଙ୍କ ଝିଅ ମାଲତୀ ମାରି ଓ ସ୍ବାମୀ ନିକ ଜୋନାସଙ୍କ ସହ ବିବାହ ଉତ୍ସବରେ ଯୋଗଦେବେ, କିନ୍ତୁ ଏମାନେ ଏହାକୁ ମିସ୍ କରିବେ। ତେବେ ପ୍ରିୟଙ୍କାଙ୍କ ମାତା ମଧୁ ଚୋପ୍ରା ଏହି ଉତ୍ସବରେ ଇତିମଧ୍ୟରେ ଯୋଗ ଦେଇସାରିଛନ୍ତି।
Comments are closed, but trackbacks and pingbacks are open.