ଭୁବନେଶ୍ୱର ସିଆରପି ଛକରେ କଂଗ୍ରେସ ଛାତ୍ରନେତା ଙ୍କୁ ବ୍ଲାଙ୍କ ଫାୟରିଂ ଘଟଣାରେ ଅଭିଯୁକ୍ତ ବିନୟ ଆଚାର୍ଯ୍ୟକୁ ଗିରଫ କରିଛି ପୁଲିସ। ସବୁଠୁ ବଡ଼ କଥା ହେଲା ନିଜ ସ୍ତ୍ରୀର ବନ୍ଧୁକରେ ଗୁଳି ଚଳାଇ ଥିଲା ଅଭିଯୁକ୍ତ ବିନୟ । ପୋଲିସ୍ କହିବା ଅନୁସାରେ ବିନୟ ଯେଉଁ ବନ୍ଧୁକରୁ ଗୁଳି ଫୁଟାଇଥିଲେ, ତାହ ଥିଲା ତାଙ୍କ ସ୍ତ୍ରୀଙ୍କ ବନ୍ଧୁକ । ବିନୟଙ୍କ ସ୍ତ୍ରୀ ହେଉଛନ୍ତି ଜଣେ ଜାତୀୟ ସ୍ତରର ସ୍ପୋର୍ଟସ୍ ସୁଟର । ସେ ରାଇଫଲ କ୍ଲବର ମେମ୍ବର ବୋଲି ଜଣା ପଡ଼ିଛି । ସେ ଲାଇସେନ୍ସପ୍ରାପ୍ତ ବନ୍ଧୁକ ବ୍ୟବହାର କରୁଥିଲେ । ପୋଲିସ ଉକ୍ତ ବନ୍ଧୁକ ସହିତ ପାଞ୍ଚ ରାଉଣ୍ଡ ଗୁଳି ଓ ୮୧ଟି ଖାଲି ଖୋକା ଜବତ କରିଛି । ଏହାସହ ଆଗକୁ ବନ୍ଧୁକର ଲାଇସେନ୍ସ ରଦ୍ଧ କରିବାକୁ ପୁଲିସ କମିଶନରଙ୍କୁ ଚିଠି ଲେଖାଯିବ ବୋଲି ଭୁବନେଶ୍ବକ ଡିସିପି କହିଛନ୍ତି।
ଭୁବନେଶ୍ୱର ଡିସିପି କହିଛନ୍ତି ଯେ, ସିଆରପି ପାଖରେ ଏକ ଦୋକାନ ଆଗରେ ଗଣ୍ଡମୁଣ୍ଡା ଅଞ୍ଚଳରବିଭୁ ପ୍ରସାଦ ଜେନା ଛିଡ଼ା ହୋଇଥିଲା । ଅଭିଯୁକ୍ତ ବିନୟ ଆଚାର୍ଯ୍ୟ ଦୋକାନ ପାଖକୁ ଆସି ଗଣ୍ଡଗୋଳ କରିଥିଲା । ବିନୟ ଆସି ଗଣ୍ଡଗୋଳ କରିବା ସହ ବିଭୁ ଉପରକୁ ଗୁଳି ଚଳାଇଥିଲେ । ଥାନାରେ ବିଭୁଙ୍କ ଏତଲା ପରେ ବିନୟଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯିବ । ଜେରା ବେଳେ ପୋଲିସ ଆଗରେ ସବୁ କଥା ମାନିଛି ଅଭିଯୁକ୍ତ ବିନୟ । ଏହି ଘଟଣାରେ ବିନୟ ସହ ଆଉ କେଉଁମାନେ ସାମିଲ ଥିଲେ ତାର ତଦନ୍ତ କରୁଛି ନୟାପଲ୍ଲୀ ଥାନା ପୁଲିସ ।
Comments are closed, but trackbacks and pingbacks are open.