ମୁମ୍ବାଇ ବିମାନ ବନ୍ଦରରେ ଟଳିଲା ବଡ଼ ଦୁର୍ଘଟଣା : ବିମାନ ଟାଣୁଥିବା ଗାଡ଼ିରେ ଅଗ୍ନିକାଣ୍ଡ

ଆଜି ସକାଳେ ମୁମ୍ବାଇ ବିମାନ ବନ୍ଦରରେ ଏକ ବଡ଼ ଦୁର୍ଘଟଣାକୁ ଏଡାଇଦିଆଯାଇ ପାରିଛି I ବିମାନ ବନ୍ଦରରେ ଅଗ୍ନିକାଣ୍ଡ ଘଟିଥିବାର ମୁମ୍ବାଇ ବିମାନବନ୍ଦର ଅଧିକାରୀମାନେ ନିଶ୍ଚିତ କରିଛନ୍ତି I ବିମାନ ବନ୍ଦର କର୍ମଚାରୀ ସୂଚନା ଦେଇ କହିଛନ୍ତି ଯେ ଏହି ଘଟଣା ରେ କୌଣସି କ୍ଷୟକ୍ଷତି ହୋଇନାହିଁ। ସେଠାରେ ଯାତ୍ରୀ ବସିଥିବା ଫ୍ଲାଇଟକୁ ଟାଣି ନେଉଥିବା ଗାଡ଼ିରେ ଅଚାନକ୍ ଲାଗିଯାଇଥିଲା ନିଆଁ । ଏହି ଦୁର୍ଘଟଣା ଭି୨୬ଆର ଷ୍ଟାଣ୍ଟରେ ଘଟିଥିଲା । ମୁମ୍ବାଇରୁ ଜାମନଗର ଯାଉଥିବା ବିମାନକୁ ଟାଣି ନେଉଥିବା ଗାଡ଼ିରେନିଆଁ ଲାଗିଥିଲା । ତେବେ ଗାଡ଼ିରେ କେଉଁ କାରଣରୁ ନିଆଁ ଲାଗିଥିଲା ବୋଲି ଜଣାପଡି ନାହିଁ ।

ବିମାନ ବନ୍ଦରର ଅପରେସନ ଅଧିକାରୀ କହିଛନ୍ତି ଯେ ଏୟାର ଇଣ୍ଡିଆର ଏକ ବିମାନକୁ ଟାଣୁଥିବା ସମୟରେ ଏହି ଗାଡିରେ ନିଆଁ ଲାଗିଯାଇଥିଲା। ଯାହା ନିଶ୍ଚିତ ସମୟରେ ନିୟନ୍ତ୍ରିତ ହୋଇଥିଲା ତେବେ ଏହି ଘଟଣାର ଅନୁସନ୍ଧାନ ପରେ ସବିଶେଷ ତଥ୍ୟ ଜଣା ପଡିବ ବୋଲି ଅଧିକାରୀ ସୂଚନା ଦେଇଛନ୍ତି I