ଭୁବନେଶ୍ୱର: ବରଗଡ଼-ନୂଆପଡ଼ା ରେଳ ପ୍ରକଳ୍ପକୁ ନେଇ ସାଂସଦ ସସ୍ମିତ ପାତ୍ରଙ୍କ ସାମ୍ବାଦିକ ସମ୍ମିଳନୀ । କେନ୍ଦ୍ରମନ୍ତ୍ରୀଙ୍କ ଉପରେ ବର୍ଷିଲେ ସସ୍ମିତ ପାତ୍ର । ରାଜ୍ୟ ସରକାର ଏହି ରେଳ ପ୍ରକଳ୍ପ ପାଇଁ ଆଗ୍ରହ ପ୍ରକାଶ କରିଥିବାବେଳେ କେନ୍ଦ୍ର ଏଥିପ୍ରତି ଆଗ୍ରହ ପ୍ରକାଶ କରିନାହିଁ । ଏମିତିକି ରାଜ୍ୟ ସରକାର ୩ ଶହ କୋଟି ଆର୍ôଥକ ଅନୁଦାନ ସହ ଜାଗା ଦେବା ପାଇଁ ରାଜି ଅଛନ୍ତି କିନ୍ତୁ କେନ୍ଦ୍ର ସରକାର ଏଥିପ୍ରତି ବୈମାତୃକ ମନୋଭାବ ପ୍ରକାଶ କରିଛନ୍ତି । ଯାହା ଫଳରେ ୪ ବର୍ଷ ପରେ ମଧ୍ୟ ଆଜି ବି ଏହି ପ୍ରକଳ୍ପରେ ଇଟା ଖଣ୍ଡେ ପଡିନାହିଁ ବୋଲି କହିଛନ୍ତି ବିଜେଡି ସାଂସଦ ସସ୍ମିତ ପାତ୍ର । ପ୍ରତିଶ୍ରୁତିକୁ ବିତିଛି ୪ବର୍ଷ । କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ ଏନେଇ ଘୋଷଣା କରିଥିଲେ । ପ୍ରକଳ୍ପ କଥା ତ ପଛକଥା, ଆଜି ପର୍ଯ୍ୟନ୍ତ ସର୍ଭେ ମଧ୍ୟ ହୋଇପାରିନାହିଁ । ବରଗଡରୁ ନୂଆପଡା ଯାଏଁ ଯଦି ରେଳ ଲାଇନ ହୁଏ, ତେବେ ପଦମପୁର ବାସୀ ଉପକୃତ ହେବେ । ପଦମପୁର ଦେଇ ଯିବ ଏହି ରେଳ ପ୍ରକଳ୍ପ । କିନ୍ତୁ ରାଜ୍ୟର ସତ ଆଗ୍ରହ ସ୍ୱତେ କେନ୍ଦ୍ର ଅବହେଳା ଜଳ ଜଳ ହୋଇ ଦୃଶ୍ୟମାନ ବୋଲି କହିଛନ୍ତି ବିଜେଡି ସାଂସଦ ସସ୍ମିତ ପାତ୍ର । ୨୦୧୮ରେ ରେଳ ପ୍ରକଳ୍ପ ନେଇ ଟୁଇଟ କରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହାକୁ ୪ବର୍ଷ ବିତିଯାଇଥିଲେ ବି ପ୍ରତିଶ୍ରୁତି ପୂରଣ କରିନାହାନ୍ତି ଧର୍ମେନ୍ଦ୍ର । ୪ବର୍ଷ ମଧ୍ୟରେ ରେଳଲାଇନ ତ ଦୂରର କଥା ସର୍ଭେ ମଧ୍ୟ ହେଲାନି ବୋଲି କହିଛନନ୍ତି ବିଜେଡି ସାଂସଦ ଡ. ସସ୍ମିତ ପାତ୍ର । ରେଳବାଇ କ୍ଷେତ୍ରରେ ଓଡିଶା ପଛରେ ରହିଛି । ୫ବର୍ଷ ହେଲା ଗୋଟିଏ ବି ନୂଆ ରେଳ ଲାଇନ ହୋଇ ନାହିଁ । ଯେଉଁଥିରେ କେନ୍ଦ୍ର ସମ୍ପୂର୍ଣ୍ଣ ଶତ ପ୍ରତିଶତ କରିଛି । ଏନେଇ ରେଳମନ୍ତ୍ରୀଙ୍କୁ ଚିଠି ଲେଖିଛନ୍ତି ରାଜ୍ୟ ପରିବହନ ମନ୍ତ୍ରୀ । ରେଳଲାଇନକୁ ତୁରନ୍ତ ମଞ୍ଜୁରୀ ଦେବାକୁ ବିଜେଡି ଦାବି କରୁଛି । ଏହି ପ୍ରସଙ୍ଗ ରାଜ୍ୟସଭା ଏବଂ ଲୋକସଭାରେ ନିଶ୍ଚିତ ଉଠାଇବେ ବୋଲି କହିଛନ୍ତି ସାଂସଦ ସସ୍ମିତ ପାତ୍ର ।
Comments are closed, but trackbacks and pingbacks are open.