ବାରବାଟୀ ମ୍ୟାଚ : ଭୁବନେଶ୍ୱରରେ ପହଞ୍ଚିଲେ ସୌରଭ ଗାଙ୍ଗୁଲି , ମୁଖ୍ୟମନ୍ତ୍ରୀ ଙ୍କ ସହ ସୌଜନ୍ୟ ମୂଳକ ସାକ୍ଷାତ୍କାର

ଭୁବନେଶ୍ୱର ରେ ସୌରଭ ଗାଙ୍ଗୁଲି Iଆଜି ଜୁନ-୧୨ ବରାବାଟୀରେ ଚାଲୁଥିବା ଭାରତ ଦକ୍ଷିଣ ଆଫ୍ରିକା ମ୍ୟାଚ୍ ପାଇଁ ଭୁବନେଶ୍ୱରରେ ପହଞ୍ଚିଲେ ବିସିସିଆଇ ସଭାପତି ସୌରଭ ଗାଙ୍ଗୁଲି । ବିମାନବନ୍ଦରରେ ପହଞ୍ଚିବା ପରେ ଗାଙ୍ଗୁଲିଙ୍କୁ ସ୍ୱାଗତ କରିଛନ୍ତି ଓସିଏ ସଂପାଦକ । ବାରବାଟୀରେ ଭାରତ-ଦକ୍ଷିଣ ଆଫ୍ରିକା ଦ୍ୱିତୀୟ ଟି-୨୦ ଦେଖିବାକୁ ଆସିଥିବା ବେଳେ ସୌରଭ ଗାଙ୍ଗୁଲି ମୁଖ୍ୟମନ୍ତ୍ରୀ ନବୀନଙ୍କୁ ପଟନାୟକ ଙ୍କୁ ସୌଜନ୍ୟ ମୂଳକ ସାକ୍ଷାତ କରିଛନ୍ତି I

ସୂଚନାଯୋଗ୍ୟ, ଆଜି କଟକ ବାରବାଟୀ ଷ୍ଟାଡିୟମରେ ଭାରତ–ଦକ୍ଷିଣ ଆଫ୍ରିକା ମଧ୍ୟରେ ଟି–୨୦ ମ୍ୟାଚ୍ ଖେଳାଯାଉଛି । ଏହି ଅବସରରେ ଉଭୟ ମୁଖ୍ୟମନ୍ତ୍ରୀ ଏବଂ ସୌରଭ ଗାଙ୍ଗୁଲି ମଧ୍ୟ ସନ୍ଧ୍ୟାରେ ବାରବାଟୀ ଷ୍ଟାଡିୟମରେ ମ୍ୟାଚ ଦେଖିବ । ତେବେ ଏହା ପୂର୍ବରୁ ଉଭୟ ପରସ୍ପରକୁ ସାକ୍ଷାତ କରିଛନ୍ତି । ସୌରଭଙ୍କ ସହ ଓସିଏ ସଭାପତି ପଙ୍କଜଲୋଚନ ମହାନ୍ତି, ପୂର୍ବତନ ଖେଳାଳୀ ଦେବାଶିଷ ମହାନ୍ତି ଉପସ୍ଥିତ ରହିଥିଲେ । ନବୀନ ସୌରଭଙ୍କୁ ଭାରତୀୟ ହକି ଦଳର ଜର୍ସି ଉପହାର ପ୍ରଦାନ କରିଛନ୍ତି ।