ବିଶ୍ବ ବ୍ରହ୍ମାଣ୍ଡ, ସୌରଜଗତ, ଗ୍ରହ, ନକ୍ଷତ୍ରପୁଞ୍ଜ ଏବଂ ସର୍ବୋପରି ଧରିତ୍ରୀରେ ଜୀବସତ୍ତାର ଆରମ୍ଭ ବାବଦରେ ଜାଣିବା ପାଇଁ ମନରେ ଜାଗ୍ରତ ହୁଅ ଉତ୍କଣ୍ଠା । କିପରି ଏ ସୃଷ୍ଟିର ଆରମ୍ଭ ହେଲା, ମାନବର ଉତ୍ପତ୍ତି କେଉଁ ଆଧାରରେ ଏବଂ କେବେଠୁ ହୋଇଛି ତାକୁ ନେଇ ନାନା ତର୍କ ବିତର୍କ ହୁଏ । ହେଲେ ବିଜ୍ଞାନ ତର୍କଠୁ ବହୁ ଊର୍ଦ୍ଧ୍ବରେ । ପ୍ରତିଟି ବସ୍ତୁ ଓ ପଦାର୍ଥର ପରୀକ୍ଷା ନୀରିକ୍ଷା କରେ । ଆଉ ବୈଜ୍ଞାନିକଙ୍କ ଏହି ପରୀକ୍ଷଣ ପୃଥିବୀରେ ଜୀବସତ୍ତାର କାରଣ ବାବଦରେ ଏକ ରୋଚକ ତଥ୍ୟର ଖୁଲାସା କରିଛି । ସବୁଠୁ ବଡ କଥା ହେଉଛି କି, ଏହି ଅନୁସନ୍ଧାନ କରିଛନ୍ତି ଭାରତୀୟ ବୈଜ୍ଞାନିକ । ବନାରସ୍ ହିନ୍ଦୁ ୟୁନିଭର୍ସିଟିର ବୈଜ୍ଞାନିକମାନେ ଏହି ରୋଚକ ତଥ୍ୟ ବାବଦରେ ଜାଣିବାକୁ ପାଇଛନ୍ତି । ସେମାନଙ୍କ କହିବା ଅନୁସାରେ ସାଇନୋବ୍ୟାକ୍ଟେରିଆ ପୃଥିବାର ଜୀବସତ୍ତା ଆରମ୍ଭର ଏକ ପ୍ରମୁଖ ଭୂମିକା ନିଭାଇଛନ୍ତି । ଏହି ବ୍ୟାକ୍ଟେରିଆ ପ୍ରାୟ 3 ବିଲିୟନ ବର୍ଷ ପୂର୍ବେ ବାୟୁମଣ୍ଡଳରେ ପ୍ରଥମେ ଅମ୍ଳଜାନ ଉତ୍ପାଦନ କରିଥିଲେ । କାର୍ବନ ଡାଇଅକ୍ସାଇଡ୍ ଦ୍ବାରା ବିଶ୍ବର ଜଳବାୟୁ ପରିବର୍ତ୍ତନର ପ୍ରଭାବକୁ ହ୍ରାସ କରିବା ପାଇଁ ଗ୍ରୀନହାଉସ୍ ଗ୍ୟାସ୍ ଧାରଣ କ୍ଷେତ୍ରରେ ସାଇନୋବ୍ୟାକ୍ଟେରିଆ ମଧ୍ୟ ସେମାନଙ୍କର ଉଲ୍ଲେଖନୀୟ ଦକ୍ଷତା ପ୍ରଦର୍ଶନ କରିଛନ୍ତି ଏବଂ ସାରା ବିଶ୍ୱରେ ଏହି ଉଦ୍ଦେଶ୍ୟରେ ପାଇଲଟ୍ ପ୍ଲାଣ୍ଟ ଗଠନ କରାଯାଉଛି । ଏହି ଅନୁସନ୍ଧାନକାରୀ ଟିମ୍ ମଧ୍ୟ ସମାନ ଜୀବକୁ ନୂତନ ଷ୍ଟ୍ରେନ୍ ବିକଶିତ କରିବା ପାଇଁ ଜେନେଟିକ୍ ଇଞ୍ଜିନିୟରିଂ କରିଛନ୍ତି ଯାହାକି ଲିପିଡସ୍, ଅଧିକ କାର୍ବୋହାଇଡ୍ରେଟ୍ ଏବଂ କମ୍ ପ୍ରୋଟିନ୍ ଉତ୍ପାଦନ କରିଥାଏ ଏବଂ ଏହାର ଉତ୍ତମ ଅବତରଣ, ସଂଗ୍ରହ ଦକ୍ଷତା ଥାଏ । ଜେନେଟିକ୍ ଇଞ୍ଜିନିୟରିଂ ସାଇନୋବ୍ୟାକ୍ଟେରିଆ ପାଇଁ ବନାରସ ହିନ୍ଦୁ ବିଶ୍ୱବିଦ୍ୟାଳୟ ଦ୍ୱାରା ଏକ ପେଟେଣ୍ଟ ମଧ୍ୟ ଦାଖଲ କରାଯାଇଛି ।
Comments are closed, but trackbacks and pingbacks are open.