ଆପଣଙ୍କ ଘରେ ସଦସ୍ୟ ମାନେ ବାରମ୍ବାର ଅସୁସ୍ଥ ହେଉଛନ୍ତି କି ? ଆଜି କରନ୍ତୁ ଏହି ଉପାୟ :

ପାଣିପାଗର ପରିବର୍ତ୍ତନ, ଅନେକ ପ୍ରକାରର ଭାଇରସ୍-ରୋଗ କିମ୍ବା ଅନ୍ୟାନ୍ୟ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଆପଣଙ୍କୁ ବାରମ୍ବାର ବ୍ୟଥିତ କରେ, ତେଣୁ ଏହାର କାରଣ ଆପଣଙ୍କ ଘରେ ଲୁଚି ରହିପାରେ | ବାସ୍ତବରେ, ଘରର କିଛି ବାସ୍ତୁ ସମସ୍ୟା ଅଛି, ଯେଉଁଥିରେ ବାସ କରୁଥିବା ଲୋକଙ୍କ ସ୍ୱାସ୍ଥ୍ୟ ଉପରେ ବହୁତ ଖରାପ ପ୍ରଭାବ ପଡିଥାଏ | ତେଣୁ, ଘରର ଲୋକମାନେ ପ୍ରାୟତଃ କିଛି ନI କିଛି ଛୋଟ ମୋଟ ଶାରୀରିକ ଅସୁସ୍ଥତା ମଧ୍ୟରେ ଗତି କରନ୍ତି I ଏହିପରି ପରିସ୍ଥିତିକୁ ଏଡାଇବା ପାଇଁ ବାସ୍ତୁ ଶାସ୍ତ୍ରରେ ରେ କିଛି ପ୍ରତିକାର ଦିଆଯାଇଛି।
ଘରର ଅଧିକାଂଶ ନକାରାତ୍ମକତା ଘରର ମୁଖ୍ୟ ପ୍ରବେଶ ପଥରୁ ଆସିଥାଏ | ତେଣୁ ଏହାକୁ ସର୍ବଦା ସଫା ରଖନ୍ତୁ I ମୁଖ୍ୟ ଫାଟକ ଭାଙ୍ଗିବା ଉଚିତ୍ ନୁହେଁ କିମ୍ବା ଏଥିରେ କୌଣସି ଫାଟ ସୃଷ୍ଟି ହେବା ଉଚିତ୍ ନୁହେଁ I ଏହି ବାସ୍ତୁ ଦୋଷ ଘରର ଲୋକଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ I ଯଦି ସମ୍ଭବ, ପ୍ରତିଦିନ ଘରର ମୁଖ୍ୟ ଦ୍ୱାର ରେ ହଳଦୀ ଗୁଣ୍ଡରେ ସ୍ୱସ୍ତିକ ଚିହ୍ନ ପ୍ରସ୍ତୁତ କରନ୍ତୁ I କାରଣ ହଳଦୀ ଶୁଦ୍ଧତା ଏବଂ ପବିତ୍ରତାର ପ୍ରତୀକ ବୈଜ୍ଞାନିକ ଦୃଷ୍ଟିରୁ ଦେଖିଲେ ଏଥିରେ ଭରପୁର ମାତ୍ରାରେ ଆଣ୍ଟିବାୟୋଟିକ ର ଗୁଣ ସବୁ ରହିଥାଏ ଯେଉଁ ଥିରେ ଏହା ସଂସ୍ପର୍ଶରେ ଆସିଲେ କେତେକ ଜୀବାଣୁ ନାଶ ହୋଇଥାନ୍ତି I ଘର ର ମୁଖ୍ୟ ଦ୍ୱାର ସାମ୍ନାରେ ଜୋତା ରଖନ୍ତୁ ନାହିଁ I ଏହା ଦ୍ୱାରା ଶନି ପଡେ ବୋଲି କୁହାଯାଇଥାଏ I ବୈଜ୍ଞାନିକ ଦୃଷ୍ଟିରୁ ଦେଖିଲେ ଜୋତା ଦ୍ୱାରା ଆସୁଥିବା ବିଭିନ୍ନ ଜୀବାଣୁ ଘର ଭିତରେ ପ୍ରବେଶ କରି ଘରେ ନକାରାତ୍ମକ ପ୍ରଭାବ ପକାଇ ଥାନ୍ତି I ଏହା ବିଶେଷ ଭାବରେ ଶରୀର ଉପରେ ପଡି ଥାଏ I ବର୍ତମାନ ଆପାର୍ଟମେଣ୍ଟ ଘର ଗୁଡ଼ିକରେ ଯଦି ସ୍ଥାନ ଅଭାବ ଥାଏ ତେବେ ସୁ-ରାକ କରି ରଖନ୍ତୁ I
ଘରର କୋଣ, କବାଟ ଏବଂ ଝରକା ଉପରେ ବୁଢିଆଣୀ ଜାଲ ହେବାକୁ ଦିଅନ୍ତୁ ନାହିଁ I ଘରେ ଅଳନ୍ଧୁ ରହିଲେ ଏହା ଶାରୀରିକ ସ୍ୱାସ୍ଥ୍ୟ ଉପରେ ମଧ୍ୟ ଖରାପ ପ୍ରଭାବ ପକାଇଥାଏ I କେବେ ମଧ୍ୟ ଘରେ ଭାଙ୍ଗି ଯାଇଥିବା ବାସନ କୁସନ ବ୍ୟବହାର କରନ୍ତୁ ନାହିଁ I

ଘର ର ଛାତ ବିମ୍ ତଳେ ଶୋଇବା ଦ୍ୱାରା ଅନେକ କ୍ଷତି ହୋଇପାରେ I ସ୍ୱାସ୍ଥ୍ୟ ବ୍ୟତୀତ ଏହା ବୈବାହିକ ଜୀବନ ଉପରେ ମଧ୍ୟ ବହୁତ ଖରାପ ପ୍ରଭାବ ପକାଇଥାଏ I ଏହା ବ୍ୟତୀତ ଦକ୍ଷିଣ ଦିଗକୁ ମୁଣ୍ଡ କରି ଶୋଇପାରିଲେ ଭଲ I ଶୋଇବା ଘର ର ଖଟ ତଳେ ଝାଡୁ ରଖନ୍ତୁ ନାହିଁ I ସେହି ଭଳି ଗୋଡ ବାଜି ଯାଇଥିବା ପାଣି ବୋତଲ ରୁ ମଧ୍ୟ ପାଣି ପିଅନ୍ତୁ ନାହିଁ I ଯଥା ସମ୍ଭବ ଖାଦ୍ୟ ଥାଳିରେ ଗୋଡ ବଜIନ୍ତୁ ନାହିଁ ମା ଲକ୍ଷ୍ମୀ ରୁଷ୍ଟ ହୋଇ ଥାନ୍ତି I
ଘରର ନକାରାତ୍ମକତାକୁ ଦୂର କରିବା ପାଇଁ, ସକାଳ ଏବଂ ସନ୍ଧ୍ୟାରେ କର୍ପୁର ଜଳାଇ ଆରତୀ ବୁଲାନ୍ତୁ I ସପ୍ତାହ କୁ ଥରେ ଲୁଣ ପାଣିରେ ଘରର ଚଟାଣ କୁ ପୋଛନ୍ତୁ I ଯଦି ଘର ର ସଦସ୍ୟ ମାନଙ୍କ ର ବାରମ୍ବାର ଶରୀର ଅସୁସ୍ଥ ରହୁଥାଏ ତେବେ ପ୍ରତିଦିନ ସକାଳେ ଏବଂ ସନ୍ଧ୍ୟାରେ ଘରେ ମହାମୃତ୍ୟୁଞ୍ଜୟ ମନ୍ତ୍ର ଶୁଣନ୍ତୁ I ଯଦି ସମ୍ଭବ ହୁଏ କିଛି କିଛି ତୁଳସୀ ପତ୍ର ଚୋବାଇ ଖାଇଲେ ମଧ୍ୟ ଭଲ I
ଘରେ ଏପରି ବ୍ୟବସ୍ଥା ହେବା ଉଚିତ ଯେ ସମସ୍ତ କୋଠରୀଗୁଡ଼ିକ ସୂର୍ଯ୍ୟ କିରଣ ଏବଂ ତାଜା ପବନ ପାଇଥାଏ | ଭୁଲରେ ମଧ୍ୟ ଘରେ କଣ୍ଟା ଗଛ ଲଗାନ୍ତୁ ନାହିଁ I