ଭୁବନେଶ୍ୱର: ୫-ଟି ପରିପ୍ରେକ୍ଷୀରେ ଜନସେବାରେ ଆଉ ଏକ ପଦକ୍ଷେପ ଯୋଡ଼ି ପରିବହନ ବିଭାଗ ପକ୍ଷରୁ ଆଉ ୮ଟି ଆଞ୍ଚଳିକ ପରିବହନ କାର୍ଯ୍ୟାଳୟ (ଆରଟିଓ) ରେ ନାଗରିକଙ୍କ ଅଭିଜ୍ଞତାକୁ ଉନ୍ନତ କରିବା ପାଇଁ ସ୍ମାର୍ଟ-କ୍ୟୁ ମ୍ୟାନେଜମେଣ୍ଟ ସିଷ୍ଟମ ପ୍ରଣୟନ କରାଯାଇଛି । ମାଲକାନଗିରି, ବୌଦ୍ଧ, ଗଜପତି, ନବରଙ୍ଗପୁର, ଫୁଲବାଣୀ, ରାୟଗଡ଼ା, ବାରିପଦା ଏବଂ ଚଣ୍ଡିଖୋଲରେ ଏହି ବ୍ୟବସ୍ଥା ଆରମ୍ଭ ହୋଇଛି ।
ଏହି ପରିପ୍ରେକ୍ଷୀରେ ପରିବହନ ଅତିରିକ୍ତ କମିଶନର ଧନଞ୍ଜୟ ସେନାପତି କହିଛନ୍ତି ଯେ ବିଭିନ୍ନ ସେବା ପାଇବାକୁ ଆସୁଥିବା ଗ୍ରାହକଙ୍କ ଧାଡ଼ି ପରିଚାଳନା ନିମନ୍ତେ ଏଣ୍ଡ-ଟୁ-ଏଣ୍ଡ ସ୍ୱୟଂଚାଳିତ ପାଇଁ ଏହା ଅସୁବିଧା ମୁକ୍ତ ଅଟେ । ଲାଇସେନ୍ସ ପ୍ରଦାନ, ଯାନ ପଞ୍ଜିକରଣ, ଟିକସ ଦେୟ ଇତ୍ୟାଦି ପ୍ରକ୍ରିୟାକୁ ସରଳ ଏବଂ ଦ୍ରୁତ ଗତିରେ ଟ୍ରାକ୍ କରିଥାଏ । ୧୫ଟି ଆରଟିଓରେ ୨.୧୮ କୋଟି ଟଙ୍କା ପ୍ରାରମ୍ଭିକ ବିନିଯୋଗ ସହିତ ଏହି ସୁବିଧା କାର୍ଯ୍ୟକାରୀ କରାଯାଇଥିଲା । ଆରମ୍ଭରୁ ଭୁବନେଶ୍ୱରରେ ଏହି ବ୍ୟବସ୍ଥା ଆରମ୍ଭ ହୋଇଥିଲା ଏବଂ ପରେ କଟକ, ବାଲେଶ୍ୱର, ଭଦ୍ରକ, ଅନୁଗୁଳ, ଗଞ୍ଜାମ, ସମ୍ବଲପୁର, ରାଉରକେଲା, ବଲାଙ୍ଗିର, ଢେଙ୍କାନାଳ, କେନ୍ଦୁଝର, ବରଗଡ଼, ଝାରୁସୁଗୁଡା, ଦେଓଗଡ ଏବଂ ସୋନପୁରରେ ଏହାକୁ ପ୍ରଚଳନ କରାଯାଇଥିଲା । ଆହୁରି ୧୨ ଟି ଆରଟିଓରେ ଏହାର କାର୍ଯ୍ୟ ଚାଲିଛି । ଯେତେବେଳେ ଜଣେ ଆବେଦନକାରୀ ଆସନ୍ତି, ଅଫିସରେ ଏକ ଟୋକନ୍ ସୃଷ୍ଟି ହୁଏ । ନାଗରିକମାନେ ଧାଡ଼ିରେ ଠିଆ ହେବା ଆବଶ୍ୟକ କରନ୍ତି ନାହିଁ । ସେମାନେ ନିଜ ପର୍ଯ୍ୟାୟ ପାଇଁ ଆରାମରେ ଅଫିସ୍ ଭିତରେ ବସିପାରିବେ । ଟୋକନ୍ ନମ୍ବର ଘୋଷଣା କରିବାକୁ ସମସ୍ତ କାଉଣ୍ଟରରେ ଡିସପ୍ଲେ ସିଷ୍ଟମ୍ ରହିବ । ଆବେଦନକାରୀମାନେ ସିଷ୍ଟମ ଦ୍ୱାରା ପୂର୍ବାନୁମାନ ମାଧ୍ୟମରେ ସେବା ପାଇବା ପାଇଁ ଆନୁମାନିକ ଅପେକ୍ଷା ସମୟ ଜାଣିପାରିବେ । ନାଗରିକମାନେ ସମୟ ସମୟରେ ସେମାନଙ୍କ ସେବା ପାଇଁ ଅପଡେଟ ଗ୍ରହଣ କରିବେ ବୋଲି ଶ୍ରୀ ସେନାପତି କହିଛନ୍ତି ।
Comments are closed, but trackbacks and pingbacks are open.