ୟୁପି ବିଧାନସଭା ନିର୍ବାଚନ ପୂର୍ବରୁ ଅଖିଳେଶ ଯାଦବ ଙ୍କ ବଡ ଘୋଷଣା

ବିଶ୍ୱକର୍ମା ପୂଜା (ଜୟନ୍ତୀ) ଅବସରରେ ଏସପି (ସମାଜବାଦୀ ପାର୍ଟି )ମୁଖ୍ୟ ଅଖିଳେଶ ଯାଦବ ବିଶ୍ୱକର୍ମା କାର୍ଡ ଖେଳିଛନ୍ତି। ସେ କହିଛନ୍ତି ଯେ ଯଦି ଏସପି (ସମାଜବାଦୀ ପାର୍ଟି ) ୟୁପି ସରକାରକୁ ଫେରନ୍ତି, ତେବେ ସେମାନେ ଗୋମତି ନଦୀ ସାମ୍ନାରେ ବିଶ୍ୱକର୍ମା ମନ୍ଦିର ନିର୍ମାଣ କରିବେ । ଆସନ୍ତା ବର୍ଷ ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଏସପି (ସମାଜବାଦୀ ପାର୍ଟି ) ମୁଖ୍ୟ ଅଖିଳେଶ ଯାଦବ ଏକ ବଡ଼ ଘୋଷଣା କରିଛନ୍ତି। ଶୁକ୍ରବାର ବିଶ୍ୱକର୍ମା ଜୟନ୍ତୀ ଅବସରରେ ଅଖିଳେଶ ଯାଦବ କହିଛନ୍ତି କି ଯଦି ତାଙ୍କ ସରକାର ପୁନର୍ବାର କ୍ଷମତାକୁ ଆସନ୍ତି ତେବେ ବିଶ୍ୱକର୍ମା ଜୟନ୍ତୀ ଉପରେ ଛୁଟି ଦେବା ପାଇଁ ଘୋଷଣା କରିଛନ୍ତି। କେବଳ ଏତିକି ନୁହେଁ, ଯଦି ଏସପି ଉତ୍ତରପ୍ରଦେଶରେ ଫେରି ଆସନ୍ତି, ତେବେ ସେ ଗୋମତି ନଦୀ ସମ୍ମୁଖରେ ଭଗବାନ ବିଶ୍ୱକର୍ମାଙ୍କ ମନ୍ଦିର ନିର୍ମାଣ କରିବେ ଏବଂ ବିଶ୍ୱକର୍ମା ବୋର୍ଡ ଗଠନ କରିବେ ବୋଲି ସେ କହିଛନ୍ତି। ସେ ନିଜ ଦଳ କୁ ପିଠି ଥାପୁଡ଼େଇ କହିଛନ୍ତି ଯେ ବିଶ୍ୱକର୍ମା ସମାଜ ପାଇଁ ଏସପି (ସମାଜବାଦୀ ପାର୍ଟି ) ସବୁବେଳେ ସାହାଯ୍ୟ କରିଆସୁଛ। ସେ କହିଛନ୍ତି ଯେ ବିଶ୍ୱକର୍ମା ଜୟନ୍ତୀରେ ଆମେ ସରକାରୀ ଛୁଟିଦିନ କରିବାକୁ ନିଷ୍ପତ୍ତି ନେଇଛୁ କିନ୍ତୁ ୟୁପି ରେ ବିଜେପି ସରକାର ଏହି ଛୁଟିଦିନ ଶେଷ କରିଛନ୍ତି। ଏହା ଭଗବାନ ବିଶ୍ୱକର୍ମା ଏବଂ ତାଙ୍କ ସମାଜ ପାଇଁ ଅପମାନ।