ଶିଲଂ: ଏୟାର୍ ମାର୍ଶାଲ୍ ଏସ୍ପି ଧାରକର ଶନିବାର ଭାରତୀୟ ବାୟୁସେନାର ଇଷ୍ଟର୍ଣ୍ଣ କମାଣ୍ଡ୍ ମୁଖ୍ୟ ଭାବେ ପଦଭାର ଗ୍ରହଣ କରିଛନ୍ତି । ପ୍ରତିରକ୍ଷା ଅନ୍ତରୀକ୍ଷ ଏଜେନ୍ସିର ପୂର୍ବତନ ମହାନିର୍ଦ୍ଦେଶକ ଶୁକ୍ରବାର ସେବାନିବୃତ୍ତ ହୋଇଥିବା ଏୟାର୍ ମାର୍ଶାଲ୍ ଡିକେ ପଟ୍ଟନାୟକଙ୍କ ସ୍ଥାନରେ ଏହି ପଦରେ ନିଯୁକ୍ତ ହୋଇଛନ୍ତି । ଇଷ୍ଟର୍ଣ୍ଣ କମାଣ୍ଡ୍ ମୁଖ୍ୟ ଭାବେ ନିଯୁକ୍ତି ପାଇବା ପୂର୍ବରୁ ଧାରକର ଗାନ୍ଧୀନଗରରେ ପଶ୍ଚିମ କମାଣ୍ଡ୍ର ବରିଷ୍ଠ ଏୟାର୍ ଷ୍ଟାଫ୍ ଅଧିକାରୀ ଥିଲେ । ୩,୬୦୦ ଘଣ୍ଟାରୁ ଅଧିକ ଉଡ଼ାଣ ଅନୁଭବ ସହ ବରିଷ୍ଠ ଅଧିକାରୀ ଏୟାର୍ ମାର୍ଶାଲ୍ ଧାରକର ଡେରାଡୁନ୍ ଇଣ୍ଡିଆନ୍ ଆର୍ମି କଲେଜ, ପୁଣେର ନାସ୍ନାଲ୍ ଡିଫେନ୍ସ ଏକାଡେମୀ, ୱେଲିଂଟନ୍ର ଡିଫେନ୍ସ ସର୍ଭିସ୍ ଷ୍ଟାଫ୍ କଲେଜ ଏବଂ ୟୁଏସ୍ର ଏୟାର୍ ୱାର୍ କଲେଜର ପୂର୍ବତନ ଛାତ୍ର ଥିଲେ । ସେ ୧୯୮୫ରେ ଭାରତୀୟ ବାୟୁସେନାରେ କମିଶନ୍ଡ ହୋଇଥିଲେ ।
Comments are closed, but trackbacks and pingbacks are open.