ପୁଣି ଫିଟ୍‌ ବନିଲେ ଅଭିନେତ୍ରୀ ଶିଖା ମଲହୋତ୍ରା : କରୋନା କାଳରେ ରୋଗୀମାନଙ୍କୁ ସେବା କରିବା ସମୟରେ କୋଭିଡ, ବ୍ରେନ୍‌ ଷ୍ଟ୍ରୋକ୍ ଏବଂ ପକ୍ଷାଘାତର ଶିକାର ହୋଇଥିଲେ

କୋଭିଡ ମହାମାରୀର ଭୟାନକ ସମୟରେ ଅନେକ ଅଭିନେତ୍ରୀ ଘର ସଫା କରିବାରୁ ନେଇ ୱାର୍କଆଉଟ୍ କରିବାର ଭିଡିଓ ସେୟାର କରୁଥିଲେ। ସେମାନଙ୍କ ମଧ୍ୟରୁ ନର୍ସିଂ ଡିଗ୍ରି ହାସଲ କରିଥିବା ଜଣେ ଅଭିନେତ୍ରୀ ତାଙ୍କ ଜୀବନକୁ ଖାତିର ନକରି ଡାକ୍ତରଖାନାରେ ରୋଗୀଙ୍କ ସେବା କରିବାକୁ ଓହ୍ଲାଇଥିଲେ। ସେ ତାଙ୍କର ଏହି ବଡ଼ପଣ ପାଇଁ ବହୁ ପ୍ରଶଂସାର ପାତ୍ରୀ ପାଲଟିଥିଲେ। ହେଲେ ସେହି ସମୟରେ ସେ କୋଭିଡ, ବ୍ରେନ୍‌ ଷ୍ଟ୍ରୋକ୍ ଏବଂ ପକ୍ଷାଘାତର ଶିକାର ହୋଇଥିଲେ।

ଅନ୍ୟ କେହି ହୋଇଥିଲେ ହୁଏତ ଭାଙ୍ଗି ପଡ଼ିଥାନ୍ତେ। ମାତ୍ର ଅଭିନେତ୍ରୀ ଶିଖା ମଲହୋତ୍ରାଙ୍କର ବିଶ୍ବାସ ଥିଲା କି ସେ ଅନ୍ୟର ମଙ୍ଗଳ କରିଛନ୍ତି ମାନେ ତାଙ୍କ ସହ କିଛି ଖରାପ ହେବ ନାହିଁ। ଏତେ ସବୁ ରୋଗ ସହ ଲଢ଼ିବା ପରେ ଶେଷର ସେ ନିଜକୁ ପୁଣି ଥରେ ଫିଟ୍‌ ବନାଇ ପାରିଛନ୍ତି।

ଶାହରୁଖ ଖାନଙ୍କ ଫିଲ୍ମ ‘ଫ୍ୟାନ୍‌’ରେ ଅଭିନୟ କରିଥିବା ଶିଖା ପ୍ରଥମ ଲହରୀ କରୋନାରେ ଡାକ୍ତରଖାନାରେ ନର୍ସ ଭାବରେ କାମ କରି ଲାଇମଲାଇଟରେ ଆସିଥିଲେ। ଏଥି ସହିତ, ମସ୍ତିଷ୍କ ଷ୍ଟ୍ରୋକ୍ ଏବଂ ପକ୍ଷାଘାତକୁ ପରାସ୍ତ କରି ଏବେ ୨୫ କିଲୋଗ୍ରାମ ଓଜନ ହ୍ରାସ କରିବା  ଏବଂ ତାଙ୍କର ବିକିନି ଫଟୋ ହେତୁ ହେଡଲାଇନରେ ରହିଛନ୍ତି।

ଏ ସଂପର୍କରେ ଶିଖା କହିଛନ୍ତି, ‘ଅବଶ୍ୟ କୋଭିଡ ମହାମାରୀ ସମୟରେ ମୁଁ ଜଣେ ଯୋଦ୍ଧାଙ୍କର ପରିଚୟ ପାଇଥିଲି। କିନ୍ତୁ ମୂଳତଃ ମୁଁ ଜଣେ କଳାକାର, ତେଣୁ ମୋତେ ଆହୁରି ଅଧିକ କାମ କରିବାକୁ ପଡିଲା। ନର୍ସିଂ ହେଉଛି ମୋର ଶିକ୍ଷା, ତେଣୁ ମୁଁ ମୋର କଳାକୁ ପଛରେ ପକାଇ କୋଭିଡରେ ଜଣେ ନର୍ସ ହେବାର କର୍ତ୍ତବ୍ୟ କରିସାରିଛି। କିନ୍ତୁ ମୋର ଆତ୍ମା ହେଉଛି ଏକ କଳାକାର, ସେଥିପାଇଁ ମୁଁ କଠିନ ପରିଶ୍ରମ କରି ଅର୍ଜନ କରିଥିବା ଡିଗ୍ରୀ ଛାଡି ଅଭିନୟ ପରି ଏକ ଅନିଶ୍ଚିତ କ୍ୟାରିୟର ବାଛିଲି। ଯେଉଁଠାରେ ବହୁତ ସଂଘର୍ଷ ଅଛି। କିନ୍ତୁ ୨୦୨୧ ରେ ଯେତେବେଳେ ମୁଁ ସୁସ୍ଥ ହେଉଥିଲି ମୋର କୌଣସି କାମ ନଥିଲା। ୨୦୨୨ ମସିହାରେ ଯେତେବେଳେ ମୁଁ ଚେଷ୍ଟା କଲି ମୋତେ ଖୁବ୍ ଭଲ ଚରିତ୍ର ମିଳିଥିଲା। ହେଲେ ମୋର ଓଜନ ସେତେବେଳେ ୭୨ କିଲୋ ହୋଇ ସାରିଥିଲା। ପୂର୍ବରୁ ମୋର ଓଜନ ୪୭ କିଲୋ ଥିଲା। ସେବେଠୋରୁ ମୁଁ ମୋର ଫିଟ୍‌ନେସ୍‌ ଯାତ୍ରା ଆରମ୍ଭ କଲି।’