୨୪ରୁ ଆବାସ ସର୍ଭେ

ଭୁବନେଶ୍ୱର: ଆସନ୍ତା ୨୪ ତାରିଖରୁ ରାଜ୍ୟରେ ଆରମ୍ଭ ହେବ ସର୍ଭେ କାର୍ଯ୍ୟ । ସୋମବାର ଏନେଇ ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାଏକ ସୂଚନା ଦେଇଛନ୍ତି । ହିତାଧିକାରୀମାନେ ଅନଲାଇନ ଓ ଅଫଲାଇନରେ ଆବେଦନ କରିପାରିବେ । ରାଜ୍ୟ ସରକାର ଆସନ୍ତା ୨୪ ତାରିଖରେ ପୋର୍ଟାଲର ବିଧିବଦ୍ଧ ଲଞ୍ଚ କରିବେ । ଆବାସ ସର୍ଭେ ଦେଢ଼ରୁ ୨ ମାସ ଧରି ଚାଲିବ । ଆବାସ ସଂଖ୍ୟା ୨ରୁ ୩ କୋଟିକୁ ବଢ଼ିଛି । ଓଡ଼ିଶାକୁ ଅଧିକ ମିଳିବା ନେଇ ଆଶା ରହିଛି । ବାପା ଠାରୁ ଭିନ୍ନ ହୋଇଥିବା ପୁଅ ଓ ସ୍ୱାମୀଙ୍କ ଠାରୁ ଅଲଗା ଥିବା ସ୍ତ୍ରୀ ଆବାସ ପାଇଁ ଆବେଦନ କରିପାରିବେ । ପୂର୍ବରୁ ଆବେଦନ କରି ଅପେକ୍ଷାରେ ଥିବା ଲୋକ ବି ନୂଆ ଆବେଦନ କରିପାରିବେ ବୋଲି ମନ୍ତ୍ରୀ ପଞ୍ଚାୟତିରାଜ ମନ୍ତ୍ରୀ ରବିନାରାୟଣ ନାଏକ ସୂଚନା ଦେଇଛନ୍ତି ।