AAP ର ଘୋଷଣା, ‘ଦିଲ୍ଲୀ ବିଧାନସଭାରେ ବିରୋଧୀ ଦଳର ନେତା ହେବେ ଆତିଶୀ’

ନୂଆଦିଲ୍ଲୀ: ଦିଲ୍ଲୀ ବିଧାନସଭା ଅଧିବେଶନ ଆରମ୍ଭ ହେବାର ଗୋଟିଏ ଦିନ ପୂର୍ବରୁ ଆଜି ଆମ୍ ଆଦମୀ ପାର୍ଟି ବିଧାୟକ ଦଳ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକ ପରେ ଦିଲ୍ଲୀ ଆମ୍ ଆଦମୀ ପାର୍ଟିର ପ୍ରଭାରୀ ଏବଂ ବାବରପୁରର ବିଧାୟକ ଗୋପାଳ ରାୟଙ୍କ କହିଛନ୍ତି ଯେ, ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଏବଂ କାଲକାଜୀରୁ ଏଏପି ବିଧାୟକ ବିଧାନସଭାରେ ବିରୋଧୀ ଦଳର ନେତା ହେବେ। AAP ବିଧାୟକ ଦଳର ଏହି ବୈଠକରେ ବିଧାନସଭା ଅଧିବେଶନର ଏଜେଣ୍ଡା ଉପରେ ମଧ୍ୟ ଆଲୋଚନା କରାଯାଇଥିଲା। AAP ମୁଖ୍ୟାଳୟରେ ଆୟୋଜିତ ବୈଠକରେ ଦଳର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲଙ୍କ ସମେତ ଆମ୍ ଆଦମୀ ପାର୍ଟିର ବହୁ ବଡ ନେତା ଯୋଗ ଦେଇଥିଲେ। ଏହି ସଭାରେ ଆତିଶୀ, ଜର୍ଣ୍ଣେଲ ସିଂ, ସଂଜୀବ ଝା, ବୀର ସିଂ ଧୀଙ୍ଗାନ ଏବଂ ପ୍ରବେଶ ରତନଙ୍କ ସମେତ ଅନ୍ୟ ଅନେକ ବିଧାୟକ ମଧ୍ୟ ଉପସ୍ଥିତ ଥିଲେ। ଏହାପୂର୍ବରୁ ଦିଲ୍ଲୀରେ ଅନୁଷ୍ଠିତ AAP ବିଧାୟକ ଦଳ ବୈଠକରେ ଆତିଶୀ ସର୍ବସମ୍ମତି କ୍ରମେ ବିଧାନସଭା ଦଳର ନେତା ଭାବରେ ନିର୍ବାଚିତ ହୋଇଥିଲେ। ସନ୍ଦୀପ ପାଠକଙ୍କୁ ପର୍ଯ୍ୟବେକ୍ଷକ ଭାବରେ ନିଯୁକ୍ତ କରାଯାଇଥିଲା। ବର୍ତ୍ତମାନ ସେ ବିଧାନସଭାରେ ବିରୋଧୀ ଦଳର ନେତା ଭୂମିକାରେ କାର୍ଯ୍ୟ କରିବେ। ସଞ୍ଜୀବ ଝା ବିଧାୟାକ ଦଳ ବୈଠକରେ ଆତିଶୀଙ୍କ ନାମ ପ୍ରସ୍ତାବ ଦେଇଥିଲେ, ଯେଉଁଥିରେ ସମସ୍ତ ବିଧାୟକ ରାଜି ହୋଇଥିଲେ ଏବଂ ଆତିଶୀ ବିରୋଧୀ ଦଳର ନେତା ଭାବରେ ନିର୍ବାଚିତ ହୋଇଥିଲେ।