ତ୍ରିପୁରା ପୌର ନିର୍ବାଚନରେ ବିଜେପି ର ବାଜିମାତ : ବଧାଇ ଜଣାଇଲେ ପ୍ରଧାନମନ୍ତ୍ରୀ
ତ୍ରିପୁରାରେ ୧୩ଟି ପୌର ସଂସ୍ଥାରେ ହୋଇଥିବା ପୌର ନିର୍ବାଚନରେ ବାଜି ମାରି ନେଲା ବିଜେପି। ୫୧ ସଦସ୍ୟ ବିଶିଷ୍ଟ ଅଗରତାଲା ମ୍ୟୁନିସିପାଲିଟି କର୍ପୋରେସନ୍ (ଏମ୍ସି) ରେ ସମସ୍ତ ଆସନ ଜିତି ବିଜେପି ବିରୋଧୀଙ୍କୁ ଆଶ୍ଚର୍ଯ୍ୟ କରିଛି। ରବିବାର ଅଗରତାଲା ମ୍ୟୁନିସିପାଲିଟି କର୍ପୋରେସନ୍ (ଏମ୍ସି) ଏବଂ ତ୍ରିପୁରାର ୧୩ଟି ପୌର ସଂସ୍ଥାରେ ୩୩୪ ଟି ଆସନ ମଧ୍ୟରୁ ହୋଇଥିବା ଭୋଟ୍ ଗଣତିରେ ବିଜେପି ୩୨୯ ଟି ଆସନ ରେ ବହୁମତ ପାଇଛି। ବିରୋଧୀ କଂଗ୍ରେସ, ତ୍ରୁଣମୂଳ କଂଗ୍ରେସ ଏବଂ ଅନ୍ୟମାନଙ୍କୁ ଶୋଚନୀୟ ପରାସ୍ତ କରିଛି ବିଜେପି I ଏହି ନିର୍ବାଚନ ର ଫଳାଫଳ କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର (ନଭେମ୍ବର 28) କହିଛନ୍ତି, “ତ୍ରିପୁରାର ଲୋକମାନେ ଏକ ସ୍ପଷ୍ଟ ବାର୍ତ୍ତା ଦେଇଛନ୍ତି – ସେମାନେ ଉତ୍ତମ ଶାସନ ରାଜନୀତିକୁ ପସନ୍ଦ କରନ୍ତି। ମୁଁ ସେମାନଙ୍କର ଅସହଯୋଗ ସମର୍ଥନକୁ ପ୍ରଶଂସା କରୁଛି।” ଏଥିପାଇଁ ସେମାନଙ୍କୁ ଧନ୍ୟବାଦ ଜଣାଉଛି I
ରାଜ୍ୟ ନିର୍ବାଚନ ଆୟୋଗ (ତ୍ରିପୁରା ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନ ଫଳାଫଳ ୨୦୨୧ ) କହିଛି ଯେ ବିଜେପି ୧୫ ସଦସ୍ୟ ବିଶିଷ୍ଟ ଖୋୱାଇ ନଗର ପରିଷଦ, ୧୭ ସଦସ୍ୟ ବିଶିଷ୍ଟ ବେଲୋନିଆ ନାଗର ପରିଷଦ, ୧୫ ସଦସ୍ୟ ବିଶିଷ୍ଟ କୁମାରଗାଟ ନାଗର ପରିଷଦ ଏବଂ ୯ ସଦସ୍ୟ ବିଶିଷ୍ଟ ସାବୁରୁମ୍ ରେ ଜିତିଛି । ନଗର ପଞ୍ଚାୟତ ସହିତ ବିଜେପି ୨୫ ୱାର୍ଡ ଧର୍ମନଗର ମ୍ୟୁନିସିପାଲିଟି ପରିଷଦ, ୧୫ ସଦସ୍ୟ ବିଶିଷ୍ଟ ତେଲିୟାମୁରା ନାଗର ପରିଷଦ ଏବଂ ୧୩ ସଦସ୍ୟ ବିଶିଷ୍ଟ ଅମରପୁର ନାଗର ପଞ୍ଚାୟତରେ ବିରୋଧୀ ଦଳକୁ ସଫା କରିଛି।
ନିର୍ବାଚନରେ ବିଜେପିର ଚମତ୍କାର ପ୍ରଦର୍ଶନକୁ ନେଇ ପ୍ରତିକ୍ରିୟା ରଖିଛନ୍ତି ଦଳର ଉପ-ସଭାପତି ଦିଲୀପ ଘୋଷ । କହିଛନ୍ତି ତ୍ରିପୁରା ପୌର ନିର୍ବାଚନ ଫଳାଫଳ ବିଜେପି ଉପରେ ଲୋକଙ୍କର ଆସ୍ଥା ଥିବା ପ୍ରମାଣିତ ହୋଇଛି। ସେହିପରି ଟିଏମସି ଏଠାରେ ଅନୁପ୍ରବେଶ କରିଥିବା ସେ କଟାକ୍ଷ କରିଛନ୍ତି। କିନ୍ତୁ ଟିଏମସିକୁ ଲୋକେ ସମର୍ଥନ କରି ନାହାନ୍ତି ବୋଲି ସେ କହିଛନ୍ତି। ସେ କହିଛନ୍ତି ଯେ, ବିଜେପି ଏଠି ଯେତେଦିନ ପର୍ଯ୍ୟନ୍ତ ପ୍ରାର୍ଥୀ ଦେଉଥିବ ଟିଏମିସି ଖାତା ଖୋଲି ପାରିବ ନାହିଁ। ସେପଟେ ନିର୍ବାଚନରେ ବିଭିନ୍ନ ଅନିୟମିତତା ଅଭିଯୋଗ ଆଣି ଅସିଦ୍ଧ ଘୋଷଣା ପାଇଁ ଟିଏମସି ଦାବି କରିଛି।
