ଜୁନିୟର ବିଶ୍ୱକପ ହକି :ଦକ୍ଷିଣ ଆଫ୍ରିକା ନିକଟ ରୁ ୫-୧ଗୋଲରେ ଚିଲି ପରାସ୍ତ ,ବିଶ୍ୱକପ ରୁ ବିଦାୟ
କଳିଙ୍ଗ ଷ୍ଟାଡିୟମରେ ଚାଲିଥିବା ଜୁନିୟର ବିଶ୍ୱକପ ହକିର ତୃତୀୟ ଦିନର ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକା ୫-୧ଗୋଲରେ ଚିଲିକୁ ପରାସ୍ତ କରିଛି। ପୂର୍ବରୁ ଦକ୍ଷିଣ ଆଫ୍ରିକା ପ୍ରଥମ ମ୍ୟାଚରେ ବେଲଜିୟମ ନିକଟରୁ ୧-୫ ଗୋଲରେ ହାରିଥିଲା। ଅନ୍ୟପକ୍ଷରେ କ୍ରମାଗତ ଦ୍ୱିତୀୟ ପରାଜୟ ସହ ଚିଲି ବିଶ୍ୱକପରୁ ଆଉଟ୍ ହୋଇଛି।
ଆଜି ଖେଳାଯାଇଥିବା ଦକ୍ଷିଣ ଆଫ୍ରିକା ଓ ଚିଲି ମ୍ୟାଚ୍ ଏକତରଫା ହୋଇଥିଲା। ପ୍ରଥମ କ୍ୱାର୍ଟରର ସପ୍ତମ ମିନିଟରେ ଦକ୍ଷିଣ ଆଫ୍ରିକା ଗୋଟିଏ ଦମଦାର ଗୋଲ ଦେଇ ଚିଲି ଉପରେ ଚାପ ସୃଷ୍ଟି କରିଥିଲା। ଦଳ ପକ୍ଷରୁ ୧୯ନମ୍ବର ଜର୍ସିରେ ଥିବା ଇଦ୍ରିସ୍ ଅବଦୁଲା ଏହି ଗୋଲ ସ୍କୋର କରିଥିଲେ।
