ଭୁବନେଶ୍ୱର: ଆସ୍ଥା, ବିଶ୍ୱାସ ଓ ତ୍ୟାଗର ମହାପର୍ବ ଛଟ୍ ପୂଜା ଆଜି ଶେଷ ହୋଇଛି। ଶେଷଦିନରେ ଭୋର୍ ସମୟରେ ଉଦିତ ସୂର୍ଯ୍ୟଙ୍କୁ ଉଷା ଅର୍ଘ୍ୟ ଦେଇଛନ୍ତି ଶ୍ରଦ୍ଧାଳୁ। ଏଥିସହ ୩୬ ଘଣ୍ଟାର କଠୋର ନିର୍ଜଳା ବ୍ରତ ସମାପନ ହୋଇଛି।ଆଜି ସକାଳୁ ନଦୀ, ପୋଖରୀ ଓ ବିଭିନ୍ନ ଜଳାଶୟର ଘାଟରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ଜମିଥିଲାବ୍ରତଧାରୀମାନେ ବାଉଁଶ ସୂପ୍ ଓ ଦଉରାରେ ଠେକୁଆ, ନଡ଼ିଆ, ଆଖୁ, କଦଳୀ ଓ ଅନ୍ୟ ପ୍ରସାଦ ନେଇ ଘାଟରେ ପହଞ୍ଚିଥିଲେ। ସୂର୍ଯ୍ୟଙ୍କ ପ୍ରଥମ କିରଣ ଦେଖା ଦେବା ମାତ୍ରେ ଜଳରେ ଛିଡ଼ା ହୋଇ ଜଳ ଓ କ୍ଷୀରରେ ଅର୍ଘ୍ୟ ଅର୍ପଣ କରିଥିଲେ। ପରିବାରର ସୁଖ, ସମୃଦ୍ଧି, ସନ୍ତାନଙ୍କ ଦୀର୍ଘାୟୁ ଓ ମଙ୍ଗଳ କାମନା କରିଥିଲେ।ଭୁବନେଶ୍ୱରର କୁଆଁଖାଇ ନଦୀ ଓ ନୂଆଁ ବାଲିଯାତ୍ରା ପଡ଼ିଆ, ସମ୍ବଲପୁର, ରାଇରଙ୍ଗପୁରର ଖଡଖାଇ ନଦୀ, ସୁନ୍ଦରଗଡ଼, ରାୟଗଡ଼ା ସମେତ ସାରା ଓଡ଼ିଶାର ଘାଟରେ ଛଟ୍ ପୂଜା ଧୁମ୍ଧାମ୍ରେ ପାଳିତ ହୋଇଛି। ଏଥିରେ ବିହାରୀ ସମ୍ପ୍ରଦାୟ ସହ ଓଡ଼ିଆ ଶ୍ରଦ୍ଧାଳୁ ମଧ୍ୟ ବହୁ ସଂଖ୍ୟାରେ ସାମିଲ ହୋଇଥିଲେ।ଗତକାଲି ସନ୍ଧ୍ୟାରେ ଅସ୍ତଗାମୀ ସୂର୍ଯ୍ୟଙ୍କୁ ସନ୍ଧ୍ୟା ଅର୍ଘ୍ୟ ଦିଆଯାଇଥିଲା। ଚାରିଦିନିଆ ଏହି ପର୍ବ ନହାୟ-ଖାୟରୁ ଆରମ୍ଭ ହୋଇ ଖରଣା, ସନ୍ଧ୍ୟା ଅର୍ଘ୍ୟ ଓ ଆଜି ଉଷା ଅର୍ଘ୍ୟ ସହ ସମାପ୍ତ ହୋଇଛି।
Comments are closed, but trackbacks and pingbacks are open.