ଫୁକେଟରେ ବଡ ଅଗ୍ନିକାଣ୍ଡ ; ୧୧ ମୃତ୍ୟୁ

10

ଥାଇଲାଣ୍ଡ: ଥାଇଲାଣ୍ଡର ଫୁକେଟର ପର୍ଯ୍ୟଟନ ଦ୍ୱୀପରେ ଏକ କମର୍ସିଆଲ ବିଲଡିଂରେ ଭୟଙ୍କର ଅଗ୍ନିକାଣ୍ଡ ଘଟିଛି। ଏକ ବାଣିଜ୍ୟିକ ମଲ୍‌ରେ ନିଆଁ ଲାଗିବାରୁ ୧୧ ଜଣଙ୍କ ମୃତ୍ୟୁ ହୋଇଥିବା ବେଳେ ୧୬ ଜଣ ଆହତ ହୋଇଛନ୍ତି। ସୂଚନା ଅନୁଯାୟୀ, ନିଆଁ ଭୋର ସମୟରେ ଲାଗିଥିଲା। ଏହି କୋଠାରେ ପର୍ଯ୍ୟଟକଙ୍କ ପାଇଁ ଦିଆଯାଉଥିବା ଗାଡି ବ୍ୟବସାୟ କରାଯାଉଥିଲା। ନିଆଁ ଏତେ ତୀବ୍ର ଥିଲା ଯେ ଏହା ପାଖ କୋଠାଗୁଡ଼ିକୁ ମଧ୍ୟ ବ୍ୟାପି ଯାଇଥିଲା। ଭୋର ପ୍ରାୟ ୩:୧୭ ସମୟରେ ନିଆଁ ଲାଗିଥିଲା ଏବଂ ଖବର ପାଇ ଅଗ୍ନିଶମ ଟିମ୍‌ ଘଟଣାସ୍ଥଳରେ ପହଞ୍ଚି ପ୍ରାୟ ଦୁଇ ଘଣ୍ଟାର ଉଦ୍ୟମ ପରେ ନିଆଁକୁ ନିୟନ୍ତ୍ରଣକୁ ଆଣିଥିଲେ । ଆହତଙ୍କ ମଧ୍ୟରୁ ପନ୍ଦର ଜଣ ଥାଇ ନାଗରିକ ଏବଂ ଜଣେ ମିଆଁମାରର ଥିଲେ। ମୃତକ କିମ୍ବା ଆହତଙ୍କ ମଧ୍ୟରେ କୌଣସି ପର୍ଯ୍ୟଟକ ନଥିଲେ। ପାଟଙ୍ଗ ମ୍ୟୁନିସିପାଲିଟିର ଡେପୁଟି ମେୟରଙ୍କ ସୂଚନା ଅନୁଯାୟୀ, କୋଠାର ତଳ ମହଲାରେ ୧୦୦ ରୁ ଅଧିକ ବାଇକ୍ ପାର୍କିଂ କରାଯାଇଥିଲା ଏବଂ ଉପର ମହଲାଗୁଡ଼ିକ ଆବାସିକ ଥିଲା। ସର୍ଟସର୍କିଟ୍ ରୁ ଏକ ସ୍ପାର୍କ ଜଳିଥିଲା, ଯାହା ଫଳରେ ବାଇକ୍‌ରେ ଥିବା ଇନ୍ଧନ, ରବର ଟାୟାର ଏବଂ ପ୍ଲାଷ୍ଟିକ୍ ଅଂଶ ଜଳି ଉଠିଥିଲା, ଯାହା ଫଳରେ ଏହି ଅଗ୍ନିକାଣ୍ଡ ଘଟିଥିଲା।

Comments are closed, but trackbacks and pingbacks are open.