କଟକ: ଐତିହାସିକ କଟକ ବାଲିଯାତ୍ରା ୨୦୨୬ ପାଇଁ ବ୍ୟବସାୟୀଙ୍କ ମଧ୍ୟରେ ଅଭୂତପୂର୍ବ ଉତ୍ସାହ ପ୍ରକାଶ ପାଇଛି। ଷ୍ଟଲ୍ ନିମନ୍ତେ ଏପର୍ଯ୍ୟନ୍ତ ପ୍ରାୟ ୧,୦୦୦ ପ୍ଲଟ୍ର ପଞ୍ଜୀକରଣ ଶେଷ ହୋଇଥିବା ବେଳେ, ଅବଶିଷ୍ଟ ପ୍ଲଟ୍ ପାଇଁ ପ୍ରଶାସନ ପକ୍ଷରୁ ଅକ୍ଟୋବର ୩୧ ପର୍ଯ୍ୟନ୍ତ ସମୟସୀମା ବୃଦ୍ଧି କରାଯାଇଛି। ବାତ୍ୟା ‘ଅର୍ଣ୍ଣବ’ ପ୍ରଭାବରେ ଖରାପ ପାଗ ଯୋଗୁଁ ଗତ ଦୁଇ ଦିନ ପଞ୍ଜୀକରଣ ହାର କମ୍ ରହିଥିଲା। ଏହାକୁ ଦୃଷ୍ଟିରେ ରଖି ବ୍ୟବସାୟୀ ଓ ବିଭିନ୍ନ ଅନୁଷ୍ଠାନକୁ ଆଉ ଗୋଟିଏ ଦିନର ଅତିରିକ୍ତ ସୁଯୋଗ ଦିଆଯାଇଛି। ଆଗ୍ରହୀ ବ୍ୟବସାୟୀମାନେ katakabalijatra.net କିମ୍ବା kataka.odisha.gov.in ୱେବ୍ସାଇଟ୍ ମାଧ୍ୟମରେ ଅନଲାଇନ୍ ଆବେଦନ କରିପାରିବେ। ଏହାଛଡ଼ା କଟକସ୍ଥିତ ବାରବାଟୀ ପ୍ୟାଲେସ୍ରେ ସକାଳ ୧୦ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଅଫ୍ଲାଇନ୍ ପଞ୍ଜୀକରଣର ସୁବିଧା ମଧ୍ୟ ରହିଛି ସୂଚନାଯୋଗ୍ୟ ଯେ, ଚଳିତ ବର୍ଷ ନଭେମ୍ବର ୨୪ରୁ ଡିସେମ୍ବର ୧ ପର୍ଯ୍ୟନ୍ତ ମହାନଦୀ ପଶ୍ଚାତ୍ଭୂମିରେ ଏହି ବାଲିଯାତ୍ରା ଆୟୋଜିତ ହେବ। ଏହି ଐତିହାସିକ ଗଣପର୍ବ କ୍ଷୁଦ୍ର ବ୍ୟବସାୟୀ, ଉଦ୍ୟୋଗୀ ଓ ସ୍ୱୟଂ ସହାୟକ ଗୋଷ୍ଠୀମାନଙ୍କୁ ରୋଜଗାର ଏବଂ ଜୀବିକାର ପ୍ରଶସ୍ତ ସୁଯୋଗ ଯୋଗାଇ ଦେଇଥାଏ।
Comments are closed, but trackbacks and pingbacks are open.