ଶିକ୍ଷୟିତ୍ରୀ ନିଖୋଜ ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ଗିରଫ

ବହୁଚର୍ଚ୍ଚିତ କଳାହାଣ୍ଡି ମହାଲିଙ୍ଗ ସ୍କୁଲ ଶିକ୍ଷୟିତ୍ରୀ ମମିତା ମେହେର ନିଖୋଜ ଘଟଣାରେ ମୁଖ୍ୟ ଅଭିଯୁକ୍ତ କୁହାଯାଉଥିବା ଗୋବିନ୍ଦ ସାହୁ କୁ ଆଖୁ ବାଡିରୁ ପୋଲିସ ଗିରଫ କରିଥିବା ସୂଚନା ମିଳିଛି । ମୁଣ୍ଡପଦରରେ ଗୋବିନ୍ଦ ସାହୁ ନିଜ ଭଉଣୀ ଘରେ ଲୁଚିଥିବାବେଳେ ସେଠାରୁ ପୋଲିସ ତାକୁ ଗିରଫ କରିଛି । ତେବେ ଗୋବିନ୍ଦଙ୍କୁ ଗିରଫ କରିବା ପରେ ମମିତାଙ୍କ ନିଖୋଜ ଓ ସ୍କୁଲ ଷ୍ଟାଡିୟମ ର ମାଟିତଳୁ ଉଦ୍ଧାର ପାଇଥିବା ଅର୍ଦ୍ଧଦଗ୍ଧ ଶବ କାହାର ବୋଲି ଚିହ୍ନଟ ହୋଇପାରିବ ବୋଲି ଆଶା କରାଯାଉଛି ।

ସୂଚନାଯୋଗ୍ୟ ଯେ, କଳାହାଣ୍ଡି କେଗାଁ ଥାନା ମହାଲିଙ୍ଗରେ ଥିବା ସନସାଇନ ପବ୍ଲିକ ସ୍କୁଲର ଅଧ୍ୟକ୍ଷା ଥିବା ମମିତା ମେହେର ଗତ ୧୨ ଦିନ ତଳେ ହଠାତ୍ ନିଖୋଜ ହୋଇଯାଇଥିଲେ । ସ୍କୁଲ ମାଲିକ ଗୋବିନ୍ଦ ସାହୁ ମମିତାଙ୍କୁ ସ୍କୁଲକୁ ଡାକିଥିବାବେଳେ, ସେ ସ୍କୁଲ ଯିବା ବାଟରେ ହିଁ ନିଖୋଜ ହୋଇଯାଇଥିଲେ । ଏହାପରେ ପୋଲିସ ଗୋବିନ୍ଦ ସାହୁଙ୍କୁ ଏହି ଘଟଣାରେ ଉଠାଇ ଆଣିଥିଲେ ବି ସେ ଟିଟିଲାଗଡ଼ ପୋଲିସ ବ୍ୟାରେକ ରୁ ଚମ୍ପଟ ମାରିଥିଲା । ଆଜି ତା ର ଅନୁସନ୍ଧାନ ଦେବାପାଇଁ ପ୍ରଥମେ ୨୦ ହଜାର ଓ ପରେ ଏକ ଲକ୍ଷ ଟଙ୍କାର ପୁରସ୍କାର ପୋଲିସ ପକ୍ଷରୁ ଘୋଷଣା ହୋଇଥିଲା ଆଜି ଏହି ଘଟଣାରେ ମହାଲିଙ୍ଗ ସ୍ଥିତ ଷ୍ଟାଡିୟମରୁ ଏକ ଗଳିତ ମୃତଦେହ ଉଦ୍ଧାର କରାଯାଇଛି । ହେଲେ ଗୋବିନ୍ଦ ସାହୁ ର ପଟ୍ଟ ମିଳୁ ନଥିବାରୁ ଏହି ଘଟଣା ଉପରୁ ପରଦା ଉଠିପାରି ନଥିଲା ୱିତେବେ ବର୍ତ୍ତମାନ ଗୋବିନ୍ଦ ସାହୁ ଗିରଫ ହେବା ପରେ ଏହି ଘଟଣା ଉପରୁ ପରଦା ଉଠିପାରେ ବୋଲି କୁହାଯାଉଛି ।