କାନାଡ଼ାର ନୂଆ ପ୍ରଧାନମନ୍ତ୍ରୀ ହେବେ ମାର୍କ କାର୍ନି

ନୂଆଦିଲ୍ଲୀ: ମାର୍କ କାର୍ନି ହେବେ କାନାଡ଼ାର ନୂଆ ପ୍ରଧାନମନ୍ତ୍ରୀ । ଜଷ୍ଟିନ ଟ୍ରୁଡୋଙ୍କ ସ୍ଥାନ ନେବେ ମାର୍କ କାର୍ନି । ମାର୍କ କାର୍ନି ୮୬% ଭୋଟ ପାଇ ଲିବେରାଲ ପାର୍ଟିର ନେତା ନିର୍ବାଚିତ ହୋଇଛନ୍ତି । ଜାନୁଆରୀରେ ପଦ ଛାଡ଼ିବାକୁ ଘୋଷଣା କରିଥିଲେ ଜଷ୍ଟିନ ଟ୍ରୁଡୋ । ନିର୍ବାଚନରେ ପ୍ରାୟ ୧୫୨,୦୦୦ ପାର୍ଟିର ସଦସ୍ୟ ଭାଗ ନେଇଥିଲେ । ଟ୍ରୁଡୋ ଜାନୁଆରୀରେ ଇସ୍ତଫା ଘୋଷଣା କରିଥିଲେ । କିନ୍ତୁ ଆଗାମୀ ଦିନରେ ତାଙ୍କ ଉତ୍ତରାଧିକାରୀ ଶପଥ ଗ୍ରହଣ ନ କରିବା ପର୍ଯ୍ୟନ୍ତ ସେ ପ୍ରଧାନମନ୍ତ୍ରୀ ରହିବେ । ଏହା କାନାଡା ପାଇଁ ବଡ଼ ପରିବର୍ତ୍ତନ । କାର୍ନି ଆମେରିକା ଟାରିଫ ଡିଲ୍ କରିବେ ବୋଲି କଥା ଦେଇଛନ୍ତି । ପୂର୍ବତନ କେନ୍ଦ୍ରୀୟ ବ୍ୟାଙ୍କରରୁ ରାଜନେତା ହୋଇଥିବା ମାର୍କ କାର୍ନି ରବିବାର ଲିବରାଲ ପାର୍ଟିର ନେତୃତ୍ୱ ଦୌଡ଼ରେ କ୍ରିଷ୍ଟିଆ ଫ୍ରିଲାଣ୍ଡଙ୍କୁ ପରାସ୍ତ କରି କାନାଡାର ପରବର୍ତ୍ତୀ ପ୍ରଧାନମନ୍ତ୍ରୀ ଭାବରେ ଜଷ୍ଟିନ୍ ଟ୍ରୁଡୋଙ୍କ ଉତ୍ତରାଧିକାରୀ ହେବାର ପଥ ପରିଷ୍କାର କରିଛନ୍ତି । ୫୯ ବର୍ଷୀୟ କାର୍ନି ବିଶ୍ୱ ଅର୍ଥନୀତିର ସର୍ବୋଚ୍ଚ ସ୍ତରରେ କାର୍ଯ୍ୟ କରିବାର ଦଶନ୍ଧିର ଅଭିଜ୍ଞତା ରହିଛି । ସେ କେବେବି ସାର୍ବଜନୀନ ପଦକୁ ନିର୍ବାଚିତ ହୋଇନଥିଲେ । ଏବେ ପ୍ରଧାନମନ୍ତ୍ରୀ ଭାବରେ ନିର୍ବାଚନରେ ଏକ ମାର୍କ କାର୍ନି ବିରାଟ ବିଜୟ ହାସଲ କରିଛନ୍ତି । ସେ ୧୩୧,୬୭୪ ଭୋଟ ପାଇଥିବାବେଳେ ମୋଟ ୮୬% ଭୋଟ ପାଇ ଲିବେଲାର ପାର୍ଟିର ନେତା ଭାବେ ନିର୍ବାଚିତ ହୋଇଛନ୍ତି । ଟ୍ରୁଡୋଙ୍କ ପୂର୍ବତନ ଅର୍ଥମନ୍ତ୍ରୀ କ୍ରିଷ୍ଟିଆ ଫ୍ରିଲାଣ୍ଡ ୧୧,୧୩୪ ଭୋଟ ସହିତ ଦ୍ୱିତୀୟ ସ୍ଥାନରେ ରହିଛନ୍ତି । ୨୦୧୩ ମସିହାରେ କାର୍ନି ୧୬୯୪ ମସିହାରେ ପ୍ରତିଷ୍ଠା ହେବା ପରଠାରୁ ବ୍ୟାଙ୍କ ଅଫ୍ ଇଂଲଣ୍ଡ ପରିଚାଳନା କରିବାରେ ପ୍ରଥମ ଅଣ-ନାଗରିକ ହୋଇଥିଲେ । ୨୦୦୮ ଆର୍ଥିକ ସଙ୍କଟରୁ କାନାଡା ଅନ୍ୟ ଅନେକ ଦେଶ ତୁଳନାରେ ଶୀଘ୍ର ମୁକୁଳିଥିବାରୁ ତାଙ୍କର ନିଯୁକ୍ତିକୁ ୟୁକେରେ ପ୍ରଶଂସା ମିଳିଥିଲା ।