ନୂଆଦିଲ୍ଲୀ: ହିଣ୍ଡନବର୍ଗ ଅନୁସନ୍ଧାନର ନୂତନ ରିପୋର୍ଟ ପରେ କେନ୍ଦ୍ର ସରକାରଙ୍କୁ ବିରୋଧୀ ଦଳ ଆକ୍ରମଣ କରିଛନ୍ତି। ଏହି ରିପୋର୍ଟରେ ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ ବୋର୍ଡ ଅଫ୍ ଇଣ୍ଡିଆ (ସେବି) ଚେୟାରମ୍ୟାନ୍ ମାଧବୀ ପୁରୀ ବୁଚ ଏବଂ ତାଙ୍କ ସ୍ୱାମୀଙ୍କ ବିରୋଧରେ ଅନେକ ଅଭିଯୋଗ ଆସିଛି। ଏହି ଘଟଣାର ତୁରନ୍ତ ତଦନ୍ତ କରିବାକୁ ବିରୋଧୀ ଦଳ ଦାବି କରିଛନ୍ତି। କଂଗ୍ରେସ ସାଧାରଣ ସଚିବ ଜୟରାମ ରମେଶ ଶନିବାର ରାତିରେ କଂଗ୍ରେସ ପକ୍ଷରୁ ଏକ ବିବୃତ୍ତି ଜାରି କରି କହିଛନ୍ତି, “ଆଦାନୀ ମେଗାସ୍କାମର ଅନୁସନ୍ଧାନ ପାଇଁ ସେବିର ଅଜବ ଅନିଚ୍ଛା, ବିଶେଷକରି ସୁପ୍ରିମକୋର୍ଟଙ୍କ ବିଶେଷଜ୍ଞ କମିଟି ଦ୍ୱାରା ଦୀର୍ଘ ସମୟ ଧରି ଦେଖାଯାଉଛି। ଏହାର ରିପୋର୍ଟରେ SEBI ୨୦୧୮ ରେ ବିଦେଶୀ ପାଣ୍ଠିର ଅନ୍ତିମ ଲାଭଦାୟକ (ଅର୍ଥାତ୍ ପ୍ରକୃତ) ମାଲିକାନା ସମ୍ବନ୍ଧୀୟ ରିପୋର୍ଟ ଆବଶ୍ୟକତାକୁ ଦୁର୍ବଳ କରିଦେଇଛି ଏବଂ ୨୦୧୯ ରେ ସେଗୁଡିକୁ ସମ୍ପୂର୍ଣ୍ଣ ରୂପେ ହଟାଇ ଦେଇଛି।”
ମହୁଆ ମୋଇତ୍ରା ମଧ୍ୟ ତଦନ୍ତ ଦାବି କରିଛନ୍ତି: ଏହି ସମୟରେ, ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା କହିଛନ୍ତି ଯେ, ପ୍ରକୃତ ଆଦାନୀ ଶୈଳୀରେ ସେବି ଅଧ୍ୟକ୍ଷ ମଧ୍ୟ ତାଙ୍କ ଗୃପର ନିବେଶକ ଅଟନ୍ତି। କ୍ରୋନି ପୁଞ୍ଜିବାଦ ଶିଖରରେ ଅଛି। ଏହି ଅର୍ଥ ହେରଫେର ଅଭିଯୋଗକୁ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଏବଂ ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ଯାଞ୍ଚ କରିବାକୁ ମୋଇତ୍ରା ଦାବି କରିଛି।
Comments are closed, but trackbacks and pingbacks are open.