ନୂଆଦିଲ୍ଲୀ: ଜାତୀୟ ପରୀକ୍ଷା ଏଜେନ୍ସି (NTA) ବୁଧବାର UGC-NET ପରୀକ୍ଷା ବାତିଲ କରିବାକୁ ଘୋଷଣା କରିଛି। ପରୀକ୍ଷଣର ଅଖଣ୍ଡତା କ୍ଷୁର୍ଣ୍ଣ ହୋଇଛି ବୋଲି ଏଜେନ୍ସି ପ୍ରାଥମିକ ସଂକେତ ପାଇଛି। ପରୀକ୍ଷା ପ୍ରକ୍ରିୟାର ସର୍ବୋଚ୍ଚ ସ୍ତରର ସ୍ୱଚ୍ଛତା ଏବଂ ପବିତ୍ରତା ନିଶ୍ଚିତ କରିବାକୁ ଶିକ୍ଷା ମନ୍ତ୍ରଣାଳୟ, ଭାରତ ସରକାର UGC-NET ଜୁନ୍ 2024 ପରୀକ୍ଷାକୁ ବାତିଲ କରିବାକୁ ନିଷ୍ପତ୍ତି ନେଇଛନ୍ତି ବୋଲି ଶିକ୍ଷା ମନ୍ତ୍ରଣାଳୟ ଏକ ବିବୃତ୍ତିରେ କହିଛି। ଏହି ବିବୃତ୍ତିରେ ଆହୁରି ମଧ୍ୟ କୁହାଯାଇଛି ଯେ, “ଏକ ନୂତନ ପରୀକ୍ଷା କରାଯିବ, ଯେଉଁଥି ପାଇଁ ପୃଥକ ଭାବରେ ସୂଚନା ସାର୍ବଜନୀନ କରାଯିବ। ଏଥିସହ ପୁଙ୍ଖାନୁପୁଙ୍ଖ ତଦନ୍ତ ପାଇଁ ଏହି ମାମଲାକୁ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) କୁ ହସ୍ତାନ୍ତର କରାଯାଇଛି।” ବିବୃତ୍ତିରେ ଆହୁରି ମଧ୍ୟ କୁହାଯାଇଛି ଯେ, “NEET (UG) ପରୀକ୍ଷା -2024 ସମ୍ବନ୍ଧୀୟ ପ୍ରସଙ୍ଗରେ ଗ୍ରେସ ମାର୍କ ସମ୍ବନ୍ଧୀୟ ପ୍ରସଙ୍ଗ ସମ୍ପୂର୍ଣ୍ଣ ସମାଧାନ ହୋଇସାରିଛି। ପାଟନାରେ ଅର୍ଥନୈତିକ ଅଫେନ୍ସ ୟୁନିଟ୍ ପରୀକ୍ଷା ଚାଲିଥିବା ଅଭିଯୋଗ ହୋଇଥିବା କେତେକ ଅନିୟମିତତା ମାମଲାରେ, ବିହାର ପୋଲିସ ଠାରୁ ଏକ ବିସ୍ତୃତ ରିପୋର୍ଟ ମଗାଯାଇଛି ଏବଂ ଏହି ଘଟଣାରେ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୋଧରେ ସରକାର କଡା କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ଦୋହରାଯାଇଛି। ଏଠାରେ ସୂଚନାଯୋଗ୍ୟ ଯେ ପେପର ଲିକ୍ ବିଷୟରେ ସ୍ପଷ୍ଟ ଭାବେ ଉଲ୍ଲେଖ କରାଯାଇ ନାହିଁ, ଯଦିଓ ଗତକାଲିଠାରୁ NET ପରୀକ୍ଷା ସମ୍ପର୍କରେ ଛାତ୍ରଛାତ୍ରୀମାନେ ଏହି ଅଭିଯୋଗ ଆଣିଥିଲେ। ତେଣୁ ଶିକ୍ଷା ମନ୍ତ୍ରଣାଳୟ ନିଷ୍ପତ୍ତି ନେଇଛି ଯେ, UGC-NET ଜୁନ୍ 2024 ପରୀକ୍ଷାକୁ ବାତିଲ କରାଯାଉ। ବର୍ତ୍ତମାନ ପରୀକ୍ଷା ପୁନର୍ବାର ଅନୁଷ୍ଠିତ ହେବ।
Comments are closed, but trackbacks and pingbacks are open.